గోపీచంద్ హీరోగా మాస్ డైరెక్టర్ సంపత్ నంది తెరకెక్కిస్తున్న సినిమా సిటీమార్. తమన్నా ఇందులో హీరోయిన్‌గా నటిస్తుండగా.. శ్రీనివాసా సిల్వర్ స్క్రీన్ బ్యానర్‌పై శ్రీనివాసా చిట్టూరి ఈ సినిమాను నిర్మిస్తున్నారు. ఇటీవలే ఈ సినిమా షూటింగ్ తిరిగి ప్రారంభమవ్వగా.. తాజాగా ఈ సినిమా విడుదల తేదీని మేకర్స్ ప్రకటించారు.
సమ్మర్‌లో ఏప్రిల్ 2న ఈ సినిమా విడుదల చేయనున్నట్లు సినిమా యూనిట్ అధికారికంగా ప్రకటించింది. ఈ సందర్భంగా ఒక పోస్టర్‌ను సినిమా యూనిట్ విడుదల చేసింది. ఇందులో చేతిలో పెద్ద చుత్తి పట్టుకుని సీరియస్ లుక్‌లో గోపీచంద్ కనిపించాడు. ఇందులో ఆంధ్రా టీం ఫీమేల్ కబడ్డీ టీం కోచ్గా గోపీచంద్ నటిస్తుండగా… తెలంగాణ ఫీమేల్ కబడ్డీ టీం కోచ్గా తమన్నా నటిస్తోంది. మణిశర్మ ఈ సినిమాకు మ్యూజిక్ అందిస్తున్నారు. భూమిక ఇందులో కీలక పాత్రలో నటించనున్నట్లు సమాచారం.
