విరూపాక్ష సూపర్ సక్సెస్ తర్వాత సుప్రీమ్ హీరో సాయితేజ్ తన తదుపరి సినిమాని ప్రకటించలేదు. విరూపాక్ష సినిమా విడుదలై ఏడాది కావస్తున్న నేపథ్యంలో అతని తదుపరి సినిమా పై ఎన్నో అంచనాలు ఉన్నాయి. సాయితేజ్‌కి గంజా శంకర్‌ నచ్చినప్పటికీ బడ్జెట్‌ కారణంగా ఆ సినిమా ఆగిపోయింది. సాయి తేజ్ తన తరువాత సినిమా పై రకరకాల ఊహాగానాలు వస్తుండడంతో మీడియాపై సెటైర్లు విసిరాడు సాయి తేజ్. సాయి తేజ్ కూడా తొందరపడకుండా సరైన స్క్రిప్ట్ కోసం వెయిట్ చేస్తున్నాడు. అప్‌డేట్ ప్రకారం, ఈ సంవత్సరం హనుమాన్‌తో సూపర్ హిట్ సాధించిన నిరంజన్ రెడ్డికి సాయి తేజ్ తన ఆమోదం తెలిపాడు అనే ఓ టాక్ అయితే నడుస్తుంది.
దర్శకుడిని ఇంకా ఖరారు చేసి ప్రకటించాల్సి ఉంది. అలాగే సాయి తేజ్ చెప్పిన భారీ రెమ్యూనరేషన్ చెల్లించడానికి నిరంజన్ రెడ్డి అంగీకరించాడని, సాయి తేజ్ అడ్వాన్స్ కూడా తీసుకున్నాడని వినికిడి. ప్రస్తుతం సరైన స్క్రిప్ట్, దర్శకుడి కోసం ఎదురుచూస్తున్నారు. మరిన్ని వివరాలు ఇంకా తెలియాల్సి ఉంది. నిరంజన్ రెడ్డి మరో సినిమాను కూడా లాక్ చేశాడు. నితిన్, విక్రమ్ కుమార్ జంటగా నటించనున్నారు. త్వరలోనే అధికారిక ప్రకటన వెలువడనుంది.
