2023 బిగ్గెస్ట్ బాక్సాఫీస్ హిట్స్ లో “బేబి” సినిమా ఎంతో స్పెషల్ అని చెప్పుకోవచ్చు. ఆనంద్ దేవరకొండ, వైష్ణవి చైతన్య, విరాజ్ అశ్విన్ హీరో హీరోయిన్లుగా దర్శకుడు సాయి రాజేశ్ ఈ సినిమాను రూపొందించారు. బేబి చిత్రాన్ని మాస్ మూవీ మేకర్స్ బ్యానర్ మీద ఎస్‌కేఎన్ నిర్మించారు. బేబి సినిమాలో ఆనంద్ దేవరకొండ, వైష్ణవి, విరాజ్ పర్ ఫార్మెన్స్ కు మంచి పేరొచ్చింది.
చిన్న చిత్రంగా రిలీజై పెద్ద విజయం సాధించడం, రా అండ్ రస్టిక్, యాక్షన్ మూవీస్ ట్రెండ్ నడుస్తున్న టాలీవుడ్ లో ప్రేమకథతో సక్సెస్ అందుకోవడం బేబి సినిమా ప్రత్యేకతలుగా చెప్పుకోవచ్చు. తెలుగులో 100 కోట్ల రూపాయల గ్రాసర్ గా నిలిచిన బేబి…మొత్తం సౌత్ లో సూపర్ సక్సెస్ అందుకుంది. విజయ్ దేవరకొండ అర్జున్ రెడ్డితో 50 కోట్ల గ్రాసింగ్ హిట్ అందుకుంటే…ఆనంద్ దేవరకొండ బేబితో 100 కోట్ల గ్రాసింగ్ మూవీ క్లబ్ లో చేరారు. బేబి తెలుగుతో పాటు రెస్టాఫ్ ఇండియాలో సూపర్బ్ కలెక్షన్స్ దక్కించుకుంది. కల్ట్ బొమ్మగా బేబి ప్రేక్షకుల్లో, ఇండస్ట్రీలో పేరు తెచ్చుకుంది. ఈ సినిమాకు బాలీవుడ్, తమిళం ఇతర భాషల నుంచి రీమేక్ రైట్స్ కు మంచి డిమాండ్ ఏర్పడుతోంది. త్వరలోనే బాలీవుడ్ లో బేబి రీమేక్ కు సన్నాహాలు జరుగుతున్నాయి.
ఈ సినిమా ఫస్ట్ పోస్టర్ డిజైనింగ్ నుంచి సక్సెస్ మీట్స్ వరకు చేసిన అగ్రెసివ్ ప్రమోషన్ బేబి మూవీని ప్రతి గ్రామంలోని ప్రేక్షకుడి దగ్గరకు చేర్చింది. మెగాస్టార్ చిరంజీవి, అల్లు అర్జున్, విజయ్ దేవరకొండ వంటి స్టార్స్ బేబి సినిమా ప్రమోషన్ కు సపోర్ట్ చేసి ఓ మంచి సినిమా సూపర్ హిట్ కావాలని కోరుకున్నారు. వారు కోరుకున్నట్లే కల్ట్ బ్లాక్ బస్టర్ అయ్యింది బేబి. ఈ ఏడాది టాలీవుడ్ కు ఓ గుర్తుండిపోయే సినిమాగా మారింది. రీమేక్ ద్వారా బాలీవుడ్ లోనూ ఇంతకుమించిన సక్సెస్ దక్కుతుందని ఆశిస్తున్నారు బేబి మేకర్స్.
