జబర్దస్త్ యాంకర్‌గా మంచి పేరు తెచ్చుకున్న అనసూయ.. ఆ తర్వాత సిల్వర్ స్క్రీన్‌పైకి కూడా అడుగుపెట్టింది. రంగస్థలం సినిమాతోని రంగమ్మత్త క్యారెక్టర్‌తో మంచి పేరు తెచ్చుకుంది ఈ అమ్మడు. ఆ తర్వాత అనసూయకు అవకాశాలు మరింతగా పెరిగిపోయాయి. ప్రస్తుతం అనేక సినిమాల్లో నటిస్తున్న అనసూయకు తాజాగా మరో బంపర్ ఛాన్స కొట్టేసింది.
ఏకంగా పవర్ స్టార్ పవన్ కల్యాణ్ సినిమాలో అనసూయకు అవకాశం లభించిందనే వార్తలు వినిపిస్తున్నాయి. పవన్-క్రిష్ కాంబినేషన్‌లో రానున్న సినిమాలో అనసూయ ఒక స్పెషల్ సాంగ్‌లో కనిపించనుందట. అలాగే ఈ సినిమాలో ఒక చిన్న పాత్రను కూడా పోషించనుందట. ఈ సినిమాను సూర్య ప్రొడక్షన్స్ బ్యానర్‌పై ఎం.ఎం. రత్నం నిర్మిస్తున్నారు. దీనికి కీరవాణి మ్యూజిక్ అందించనున్నాడు. ఇటీవలే ఈ సినిమా షూటింగ్ ప్రారంభమైంది.
