యంగ్ హీరో నాగశౌర్య వరుస సినిమాలతో బిజీగా ఉన్నాడు. ప్రస్తుతం వరుడు కావలెను, లక్ష్య సినిమాలు చేస్తున్న నాగ శౌర్య… లవర్, గాలి సంపత్ సినిమాలని డైరెక్ట్ చేసిన అనీష్ కృష్ణతో ఒక సినిమా చేస్తున్నాడు. నాగశౌర్య 22వ చిత్రం రూపొందుతున్న ఈ సినిమాకి ఇంకా టైటిల్ ఖరారు చేయలేదు కానీ కరోనా సెకండ్ వేవ్ కన్నా ముందే ఈ ప్రాజెక్ట్ మొదలయ్యింది. సెకండ్ వేవ్ ప్రభావం తగ్గగానే లక్ష్య సినిమా ఫైనల్ షెడ్యూల్ స్టార్ట్ చేసిన నాగ శౌర్య, తాజాగా #NS22 సినిమా షూటింగ్ ని కూడా మొదలుపెట్టాడు. హైదరాబాద్ లో న్యూ షెడ్యూల్ స్టార్ట్ చేసినట్లు అనౌన్స్ చేస్తూ షూటింగ్ స్పాట్ నుంచి ఒక ఫన్నీ పోస్టర్ ను విడుదల చేశారు మేకర్స్.
తాజాగా విడుదలైన పోస్టర్ నెట్టింట వైరల్ అవుతుంది.. ఈ పోస్టర్ లో నాగశౌర్య , ఆయన తల్లి ఉష మూల్పూరి, హీరోయిన్ సేటియా, దర్శకుడు ఉన్నారు.. ఫ్యామిలీ ఎంటర్ టైనర్ గా రూపొందుతున్న ఈ చిత్రాన్ని ఇరా క్రియేషన్స్ బ్యానర్ లో ఉష మూల్పూరి నిర్మిస్తుండగా, శంకర్ ప్రసాద్ మూల్పూరి దీనిని సమర్పించారు.. ఈ చిత్రంలో నాగ శౌర్య జంటగా షేర్లి సెటియా నటిస్తోంది. ఈ సినిమాలో సీనియర్ నటి రాధిక ఓ కీలక పాత్రలో నటించనున్నారు. ఈ చిత్రానికి మహతి స్వర సాగర్ సంగీతాన్ని సమకూరుస్తున్నారు.. ప్రస్తుతం నాగశౌర్య చేతిలో మూడు సినిమాలున్నాయి.. మూడు సినిమాలు హిట్ అయ్యి హ్యాట్రిక్ ను అందుకుంటాడేమో చూడాలి.
