విష్ణు మంచు తన తదుపరి చిత్రం మోసగాళ్ళు యొక్క ప్రమోషన్స్ డోస్ మరింత పెంచుతున్నాడు. ఏ మాత్రం గ్యాప్ ఇవ్వకుండా దూకుడుగా ప్రచారం చేస్తున్నారు. టైటిల్ థీమ్ మ్యూజిక్ మరియు టీజర్‌ను వరుసగా ఆవిష్కరించిన తరువాత వెంకటేష్ మద్దతు లభించింది. ఇప్పటికే అల్లు అర్జున్ల టీజర్ ని విడుదల చేసిన విషయం తెలిసిందే.
ఇక ఇప్పుడు వెంకటేష్ ఈ చిత్రానికి వాయిస్ ఓవర్ ఇస్తున్నట్లు ఎనౌన్స్ చేశాడు. ప్రధాన పాత్రలను పరిచయం చేయడంతో పాటు, అతను కీలక సంఘటనలను కూడా తన వాయిస్ తో మరింత హైప్ క్రియేట్ చేస్తాడట. సినిమాలో వాయిస్ ఓవర్ చాలా కీలకంగా నిలుస్తుందని అంటున్నారు. ప్రపంచంలోని అతిపెద్ద ఐటి స్కామ్ ఆధారంగా, మోసగాళ్ళు సినిమాను రూపొందిస్తున్నారు. ఈ సినిమాకు జెఫ్రీ గీ చిన్ దర్శకత్వం వహించారు. ఇక కాజల్ అగర్వాల్ విష్ణు సోదరిగా నటించిన విషయం తెలిసిందే. ఇక ఈ సినిమాను వచ్చే ఏడాది విడుదల చేసే అవకాశం ఉంది.
