దళపతి విజయ్ నటిస్తున్న బిగిల్ సినిమాపై అంచనాలు ఆకాశాన్ని తాకే రేంజులో ఉన్నాయి. అట్లీ విజాయ్ కాంబినేషన్ లో గతంలో ఇండస్ట్రీ హిట్ రావడం, బిగిల్ లో హీరో డ్యూయల్ రోల్ చేయడం, గిల్లి తర్వాత చాలా రోజులకి విజయ్ మళ్లీ స్పోర్ట్స్ డ్రామాలో చేయడం… ఇలా ఎన్నో విషయాలు బిగిల్ సినిమాపై అంచనాలని పెంచాయి. సోషల్ మీడియాలో ఎక్కడ చూసినా బిగిల్ హవానే ఉండడంతో, ట్విట్టర్ ఇప్పుడు ఎమోజీని రిలీజ్ చేసింది. రెడ్ టి షార్ట్ లో ఫుట్ బాల్ పట్టుకున్నట్లు ఉన్న విజయ్ స్టిల్ ని ట్విట్టర్ ఎమోజిగా మార్చడంతో దళపతి అభిమానులు ఫుల్ ఖుషిగా ఉన్నారు.
ముందుగా ఒక సౌత్ ఇండియన్ సినిమాకి ఎమోజీని చేయడం రజినీ మూవీతోనే సాధ్యం అయ్యింది. పా రంజిత్ తెరకెక్కించిన సినిమా కబాలి, రజనీకాంత్ డాన్ గా కనిపించిన ఈ సినిమా సృష్టించిన బజ్ అంతా ఇంతా కాదు. దాదాపు వరల్డ్ లో చాలా చోట్ల, ముఖ్యంగా చెప్పాలి అంటే కబాలి రిలీజ్ అయ్యే థియేటర్స్ ఉన్న చోట కబాలి సినిమా విడుదల సందర్భంగా సెలవు ప్రకటించారు అంటేనే కబాలి ఏ రేంజులో క్రియేట్ చేసిందో అర్ధం చేసుకోవచ్చు. పెన్స్ నుంచి ఫ్లైట్స్ వరకూ పెద్ద పెద్ద హోర్డింగులతో ప్రమోట్ చేసిన కాబాలి సినిమాకి ట్విట్టర్ ఎమోజీని రిలీజ్ చేశారు. సౌత్ ఇండియాలో ఈ ఫీట్ సాధించిన మొదటి సినిమా తలైవాదే కావడం విశేషం.
2016లో వచ్చిన కబాలి తర్వాత మళ్లీ ప్రభాస్ సాహూ సినిమాకి మాత్రమే ట్విట్టర్ ఎమోజీని రిలీజ్ చేసింది. బాహుబలి తర్వాత ప్రభాస్ నటించిన సినిమా కావడం, 300 కోట్ల బడ్జట్ తో పాన్ ఇండియా లెవెల్లో తెరకెక్కడంతో సాహూ సినిమాపై అంచనాలు పెరిగాయి. హ్యుజ్ బజ్ ని క్రియేట్ చేసింది కాబట్టే సాహూ సినిమా ఎమోజీని సొంతం చేసుకుంది. తెలుగు నుంచి ఈ ఘనత సాధించిన మొదటి సినిమాగా సాహూ టాలీవుడ్ హిస్టరీలో మిగిలిపోతుంది.
