యంగ్ టైగర్ జూనియర్ ఎన్టీఆర్ ప్రస్తుతం దర్శకధీరుడు రాజమౌళి తెరకెక్కిస్తున్న RRRలో నటిస్తున్న విషయం తెలిసిందే. ప్రస్తుతం దీని షూటింగ్ జరుగుతుండగా.. ఇది ముగిసిన తర్వాత మాటల మాంత్రికుడు త్రివిక్రమ్ శ్రీనివాస్‌తో ఎన్టీఆర్ సినిమా చేయనున్నాడు. ఇప్పటికే ఈ సినిమా గురించి అధికారిక ప్రకటన రాగా.. దీనికి ‘పోయి రావలె హస్తినకు’ అనే టైటిల్ ఖరారు చేసినట్లు తెలుస్తోంది. తాజాగా ఈ సినిమా గురించి ఒక వార్త హాట్‌టాపిక్‌గా మారింది.
ఇందులో తమిళ స్టార్ హీరో శింబు విలన్‌గా నటించనున్నాడని ప్రచారం జరుగుతోంది. ఇక కమెడియన్ సునీల్ కూడా ఈ సినిమాలో ఒక డిఫరెంట్ విలన్ రోల్‌లో నటించనున్నాడని వార్తలొస్తున్నాయి. ఇక ఈ సినిమాలో ఇద్దరు హీరోయిన్స్ నటించనుండగా.. ఒక హీరోయిన్‌గా బాలీవుడ్ బ్యూటీ జాన్వీ కపూర్‌ను తీసుకోనున్నారని సమాచారం. ఒక మరో హీరోయిన్‌గా బాలీవుడ్ నటి వరీనా హుసేన్‌ను తీసుకోనున్నారని తెలుస్తోంది.
