నటి నివేదా థామస్ చివరగా 2020 మొదట్లో వచ్చిన ‘దర్బార్’ చిత్రంలో సూపర్ స్టార్ రజినీకాంత్ కుమార్తెగా కీలక పాత్రలో నటించిన విషయం తెలిసిందే. ఇక మరో రెండు రోజుల్లో విడుదల కాబోతున్న నాని V సినిమా ద్వారా మళ్ళీ ఆమె తెలుగు ప్రేక్షకుల ముందుకు రాబోతోంది. ఆమెజాన్ ప్రైమ్ లో విడుదల కానున్న ఆ సినిమాపై అభిమానుల్లో అంచనాలు భారీగానే ఉన్నాయి.
ఇక ఆ అంచనాల డోస్ పెరిగే విధంగా చిత్ర యూనిట్ ఒక హాట్ సాంగ్ ని విడుదల చేసింది. అందులో నివేతా గతంలో ఎప్పుడు లేని విధంగా దర్శనమిచ్చింది. ‘బేబీ టచ్ మి నౌ’ అనే ఆ పాటలో గ్లామర్ డోస్ పెంచిన నివేత ఓ వర్గం ఆడియెన్స్ ని గట్టిగానే ఎట్రాక్ట్ చేసింది. చూస్తుంటే సినిమాలో ఈ బ్యూటీ సరికొత్తగా కనిపించనున్నట్లు అర్ధమవుతోంది. ఇక ఆమెకి జోడిగా ఈ సినిమాలో సుధీర్ బాబు నటించిన విషయం తెలిసిందే. ఇక ఈ పాటను షార్వి యాదవ్ పాడారు మరియు అమిత్ త్రివేది స్వరపరిచారు. ఇక ‘వి’ చిత్రం సెప్టెంబర్ 5 న OTT ప్లాట్‌ఫామ్ అమెజాన్ ప్రైమ్ లో విడుదలకు సిద్ధమవుతున్న విషయం తెలిసిందే. ఈ చిత్రానికి మోహన కృష్ణ ఇంద్రగంటి దర్శకత్వం వహించగా దిల్ రాజు మిడియమ్ బడ్జెట్ లో నిర్మించారు. మరి ఈ సినిమా డీజిటల్ వరల్డ్ లో ఎలాంటి వండర్స్ క్రియేట్ చేస్తుందో చూడాలి.
