పవర్ స్టార్ పవన్ కల్యాణ్ వరుస సినిమాలతో జోరు మీద ఉన్నారు. వకీల్ సాబ్‌, అయ్యప్పనుమ్ కోషియమ్ తెలుగు రీమేక్‌తో పాటు క్రిష్ జాగర్లమూడి డైరెక్షన్‌లో ఒక పిరియాడిక్ సినిమాలో పవన్ నటిస్తున్న విషయం తెలిసిందే. ఇటీవలే ఈ సినిమా రెగ్యూలర్ షూటింగ్ హైదరాబాద్‌లో ప్రారంభమైంది. అయితే ఈ సినిమాలో హీరోయిన్‌గా ఎవరు నటిస్తారనేది ఇంకా కన్ఫామ్ కాలేదు.
తాజా సమాచారం ప్రకారం.. ఇందులో ఇస్మార్ట్ బ్యూటీ నిధి అగర్వాల్ నటించనున్నట్లు సమాచారం. అయితే ఈ సినిమాలోనే మరో హీరోయిన్‌గా బాలీవుడ్ హీరోయిన్ జాక్వెలిన్ ఫెర్నాండెజ్ నటించనుందని తెలుస్తోంది. త్వరలో దీనిపై మేకర్స్ నుంచి అధికారిక ప్రకటన రానుందని సమాచారం. కాగా గతంలో ఇస్మార్ట్ శంకర్‌తో పాటు సవ్యసాచి సినిమాల్లో నిధి అగర్వాల్ నటించింది.
