Nagarjuna: అక్కినేని నాగార్జున న‌టించిన తాజా చిత్రం వైల్డ్ డాగ్. అహిషోర్ సాల్మ‌న్ ద‌ర్శ‌క‌త్వంలో తెర‌కెక్కుతున్న ఈ చిత్రంలో.. సయామీ ఖేర్‌, దియా మీర్జా, అతుల్ కుల్‌క‌ర్ణి, అలీ రెజా త‌దిత‌రులు న‌టించారు. గ‌తంలో హైద‌రాబాద్‌లో జ‌రిగిన బాంబు పేలుళ్ల ఆధారంగా ఈ చిత్రం తెర‌కెక్కుతుండ‌గా… ఈ చిత్రానికి సంబంధించి స‌రికొత్త టీజ‌ర్‌ను నాగార్జున త‌న ట్విట్ట‌ర్ వేదిక‌గా పోస్ట్ చేశారు.
ఇందులో టెర్ర‌రిస్టుల కోసం భారీగా ఖ‌ర్చు పెడుతున్నార‌ని తెలియ‌జేస్తూ.. మీరు దీన్ని అంగీక‌రిస్తారా.. నేను మాత్రం ఒప్పుకోను అంటూ నాగ్ చెప్పే డైలాగ్ ఎంతో అల‌రిస్తోంది. ఇక ఈ చిత్రంలో నాగ్ నేష‌న‌ల్ ఇన్వెస్టిగేష‌న్ ఏజెన్సీ ఏజెంట్ విజ‌య్ వ‌ర్మ‌గా నాగార్జున క‌నిపించ‌నున్నారు. ఇక ఈ చిత్రం ఏప్రిల్ 2న ప్రేక్ష‌కుల ముందుకు రానున్న నేప‌థ్యంలో ప్ర‌మోష‌న్స్ భాగంగా ఈ స‌రికొత్త టీజ‌ర్‌ను రిలీజ్ చేశారు. ఇక ఈ చిత్రానికి త‌మ‌న్ సంగీతం అందిస్తున్నారు.
