ఉగాది శుభ దినోత్సవం సందర్భంగా ఒక స్పెషల్ ఫోటో షేర్ చేస్తూ సోషల్ మీడియా ప్లాట్‌ఫామ్ ఇన్‌స్టాగ్రామ్‌లో చేరారు మెగాస్టార్ చిరంజీవి. నిజంగా మెగాస్టార్ సోషల్ మీడియాలోకి వచ్చి అభిమానులను ఎంతగానో ఆనందపరిచారు. ఇక చిరుకు ప్రపంచవ్యాప్తంగా ఉన్న అభిమానుల నుండి భారీ స్థాయిలో సపోర్ట్ లభించింది. ఆయన ఇన్‌స్టా చిత్రాలు మరియు వీడియోలు నిత్యం వైరల్ అవుతూనే ఉంటాయి.
ఇక చిరంజీవి యొక్క ఇన్‌స్టాగ్రామ్ అనుచరుల సంఖ్య ఇప్పటికే 1 మిలియన్లను దాటడం విశేషం. మరోవైపు, చిరు యొక్క ట్విట్టర్ ఖాతా, అతని ఇన్‌స్టా ఖాతాతో పాటు ఒకేసారి స్టార్ట్ చేయడం జరిగింది. ట్విట్టర్ లో ప్రస్తుతం దాదాపు 750K ఫాలోవర్లు ఉన్నారు మరియు రాబోయే కొద్ది రోజుల్లో 1 మిలియన్ క్లబ్‌లోకి ప్రవేశించడానికి సిద్ధంగా ఉన్నారు. ఇక సినిమాల విషయానికి వస్తే.. మెగాస్టార్ నెక్స్ట్ ఆచార్య సినిమాతో ప్రేక్షకుల ముందుకు రాబోతున్న విషయం తెలిసిందే. ఆ తరువాత బేబి, మెహర్ రమేష్ వంటి దర్శకులతో వర్క్ చేయనున్నారు.
