బుల్లితెరపై యాంకర్‌గా మంచి పేరు తెచ్చుకున్న జబర్దస్త్ బ్యూటీ అనసూయ.. ఇప్పుడు సినిమాల్లో కూడా రాణిస్తోంది. సినిమాల్లో కూడా వరుస ఆఫర్స్ దక్కించుకుంటూ బిజీబిజీగా గడుపుతోంది. ఒకవైపు యాంకర్‌గా.. మరోవైపు సినిమాల్లో నటిస్తూ బోల్డెంత సంపాదిస్తోంది. ఇప్పుడు ఈ అమ్మడు బిగ్ ఆఫర్ కొట్టేసింది. ఒక ఐటెం సాంగ్‌లో నటించేందుకు రూ.20 లక్షల రెమ్యూనరేషన్ తీసుకుందని టాక్.
కార్తికేయ-లావణ్య త్రిపాఠి కాంబినేషన్‌లో చావు కబురు చల్లగా అనే సినిమా తెరకెక్కుతున్న విషయ తెలిసిందే. తాజాగా ఈ సినిమాలో ఐటెం సాంగ్ కోసం అనసూయను మేకర్స్ సంప్రదించినట్లు తెలుస్తోంది. ఈ ఐటెం సాంగ్ 3 నిమిషాలు ఉండనుండగా… దీని కోసం రూ.20 లక్షల రెమ్యూనరేషన్‌ను అనసూయ తీసుకోనుందని టాక్. కాగా గతంలో మెగా హీరో సాయిధరమ్ తేజ నటించిన విన్నర్ సినిమాలో ఐటెం సాంగ్‌లో అనసూయ నటించిన విషయం తెలిసిందే.
