ఇటీవల సినీ సెలబ్రెటీల సోషల్ మీడియా అకౌంట్లు వరుసగా హ్యాకింగ్‌కి గురవుతున్నాయి. ఇప్పటికే పలువురు సెలబ్రెటీల సోషల్ మీడియా అకౌంట్లు హ్యాకింగ్‌కు గురవ్వగా.. తాజాగా సీనియర్ హీరోయిన్ టబు ఇన్‌స్టాగ్రామ్ అకౌంట్ హ్యాక్ అయింది. ఈ విషయాన్ని ఆమె స్వయంగా సోషల్ మీడియాలో వెల్లడించింది. ‘హ్యాక్ అలర్ట్.. నా ఇన్‌స్టాగ్రామ్ అకౌంట్ హ్యాకింగ్‌కు గురైంది. నా అకౌంట్ నుంచి వచ్చే ఎలాంటి లింక్‌లను క్లిక్ చేయకండి’ అని ఆమె పోస్ట్ పెట్టింది.
కాగా ఇటీవల టాలీవుడ్ నటి మంచు లక్ష్మీ, హీరో మంచు మనోజ్ వాట్సాప్‌లు హ్యాకింగ్‌కు గురయ్యాయి. దీనిపై పోలీసులు విచారణ చేపడుతున్నారు. ఇలా వరుసగా సెలబ్రెటీల సోషల్ మీడియా అకౌంట్లు హ్యాకింగ్‌కి గురికావడం సంచలనంగా మారింది.
