ప్రభాస్-ప్రశాంత్ నీల్ కాంబినేషన్‌లో తెరకెక్కనున్న సలార్ సినిమా ఇటీవలే ప్రారంభమైంది. వచ్చే నెల నుంచి ఈ సినిమా షూటింగ్ ప్రారంభం కానుండగా.. ప్రస్తుతం ప్రీ ప్రొడక్షన్ వర్క్ జరుగుతోంది. నటీనటులను ఎంపిక చేసే పనిలో మేకర్స్ బిజీబిజీగా ఉన్నారు. ఈ క్రమంలో సలార్ సినిమాకు సంబంధించి ఒక వార్త ఆసక్తికరంగా మారింది.
ఇందులో కోలీవుడ్ స్టార్ హీరే విజయ్ సేతుపతి విలన్‌గా నటించనున్నారనే ప్రచారం జరుగుతోంది. ఇటీవల విడుదలైన మాస్టర్ సినిమాలో విలన్ పాత్రలో విజయ్ సేతుపతి నటించిన విషయం తెలిసిందే. ఈ సినిమాలో విలన్ పాత్రలో అద్భుతంగా నటించాడు. క్రూరమైన విలన్ పాత్రలో ప్రేక్షకులను ఆకట్టుకున్నాడు. ఈ సినిమాలో విలన్ పాత్రలో విజయ్ సేతుపతికి మంచి మార్కులు పడ్డాయి. దీంతో సలార్‌లో విజయ్ సేతుపతిని విలన్‌గా తీసుకోవాలని మేకర్స్ భావిస్తున్నట్లు తెలుస్తోంది.
