వెన్నెల సినిమాతో టాలీవుడ్ కి ఎంట్రీ ఇచ్చిన కమెడియన్ కిషోర్. మొదటి సినిమా పేరునే తన ఇంటి పేరుగా మార్చుకున్న కిషోర్, వెన్నెల కిషోర్ గా మారి తెలుగు ప్రేక్షకులని అలరిస్తూనే ఉన్నాడు. బ్రహ్మానందం, అలీ, సునీల్, వేణు మాధవ్ ల తర్వాత ఆ స్థాయి స్టార్ డమ్ ని ఈ జనరేషన్ లో ఎంజాయ్ చేస్తున్న ఏకైక కమెడియన్ వెన్నెల కిషోర్. ఒక నెలలో 8 నుంచి పది సినిమాలు రిలీజ్ అయితే అందులో హీరోలు, హీరోయిన్లు మారుతున్నారు కానీ వెన్నల కిషోర్ మాత్రం మినిమమ్ 5 సినిమాల్లో కనిపిస్తున్నాడు. అంత బిజీగా ఉండే వెన్నెల కిషోర్ 39వ బర్త్ డే జరుపుకున్నాడు.
ఇంద్రగంటి మోహన్ కృష్ణ తెరకెక్కిస్తున్న సినిమా ‘వి’ ది ఫిలిం. సుధీర్ బాబు హీరోగా, నాని మొదటిసారి విలన్ గా నటిస్తున్న ఈ మూవీ ప్రస్తుతం రెగ్యులర్ షూటింగ్ జరుపుకుంటోంది. ఈ సెట్స్ లోనే వెన్నెల కిషోర్ బర్త్ డే సెలెబ్రేషన్స్ జరిగాయి. ఈ వేడుకల ఫోటోలను సుధీర్ బాబు తన ట్విటర్ ఖాతాలో పోస్ట్ చేశాడు. నాని, ఇంద్రగంటితో పాటు చిత్ర యూనిట్ కూడా ఉన్నారు. వెన్నెల కిశోర్ బర్త్ డే విషెస్ చెప్తూ టాలీవుడ్ సెలబ్రిటీస్ ట్వీట్స్ చేశారు.
