F2, గద్దలకొండ గణేష్ సినిమాలతో 2019ని గ్రాండ్ గా సెలెబ్రేట్ చేసుకున్న మెగా ప్రిన్స్ వరుణ్ తేజ్, ప్రస్తుతం నటిస్తున్న సినిమా బాక్సర్. రీసెంట్ గా లాంచ్ అయిన ఈ మూవీ త్వరలో సెట్స్ పైకి వెళ్లనుంది. కిరణ్ కొర్రపాటి దర్శకత్వంలో తెరకెక్కనున్న బాక్సర్ ప్రీ ప్రొడక్షన్ పనులు ఫుల్ స్వింగ్ లో జరుగుతున్నాయి. ఈ ప్రాజెక్ట్ గురించి తాజాగా బయటకి వచ్చిన ఇన్ఫర్మేషన్ ఏంటంటే బాక్సర్ లో రమ్యకృష్ణ, మాధవన్ కలిసి నటించబోతున్నారట.
వరుణ్ తేజ్ కి అమ్మగా నటిస్తుండగా, మాధవన్ నాన్నగా నటించడానికి గ్రీన్ సిగ్నల్ ఇచ్చాడని సమాచారం. కథ నచ్చితేనో, పాత్రలో కొత్తదనం ఉంటేనో ఈ ఇద్దరూ ఓకే చెప్తారు. మరి బాక్సర్ లో ఈ పాత్రలు ఎలా ఉంటాయి, అవి సినిమాకి ఎలా హెల్ప్ అవుతాయి అనేది తెలియాలి అంటే మరికొన్ని రోజులు ఆగాలి. ఈ చిత్రాన్ని అల్లు అరవింద్ సమర్పణలో అల్లు వెంకటేష్, సిద్ ముద్ద నిర్మిస్తున్నారు. థమన్ సంగీతం అందిస్తున్న ఈ మూవీ వచ్చే ఏడాది ప్రేక్షకుల ముందుకు రానుంది.
