కొత్తగా ఏర్పడిన కూటమి ప్రభుత్వాన్ని అభినందించి, గత ప్రభుత్వంలో ఎదుర్కొన్న సమస్యలు వివరించి, తెలుగు చిత్ర పరిశ్రమ ఎదుర్కొంటున్న సమస్యలు పరిష్కరించే విధంగా సహకరించాలని పవన్ కళ్యాణ్ గారిని కోరనున్న నిర్మాతలు. పవన్ కళ్యాణ్ గారిని కలిసే వారిలో అశ్వినీ దత్, హారిక హాసిని చినబాబు, మైత్రి మూవీ మేకర్స్ నవీన్ ,రవిశంకర్, సితార ఎంటర్టైన్మెంట్స్ నాగవంశీ, పీపుల్స్ మీడియా విశ్వప్రసాద్, వివేక్ కూచిభొట్ల,తెలుగు ఫిలిం ఛాంబర్ అధ్యక్షడు దిల్ రాజు,దామోదర్ ప్రసాద్, బోగవల్లి ప్రసాద్, డి.వి.వి.దానయ్య తదితరులు ఉన్నారు. అయితే పవన్ కళ్యాణ్ గారిని కలవడానికిగాను నిర్మాతలు రేపు కలవనున్నారు. ఈ నెల 27న ప్రభాస్ కల్కి విడుదలకు సిద్ధంగా ఉన్నవేళ తెలంగాణ రాష్ట్ర ప్రభుత్వం టికెట్ రేట్లు పెంపుకు అనుమతించిన విషయం అందరికి తెలిసిందే.
