టాలీవుడ్ విక్టరీ వెంకటేష్ ఎలాంటి సినిమా చేసినా కూడా అన్ని వర్గాల ఆడియెన్స్ కి నచ్చుతుంది. ప్రస్తుతం ఉన్న సీనియర్ హీరోలలో వెంకటేష్ ఎక్కువగా ప్రయోగాలు చేస్తుంటాడు అని స్పెషల్ గా చెప్పనవసరం లేదు. గత సినిమాల ఫలితాలతో సంబంధం లేకుండా ప్రయోగాత్మకమైన కథలను ఎంచుకునే వెంకీ ప్రస్తుతం నారప్ప సినిమాతో బిజీగా ఉన్న సంగతి తెలిసిందే.
శ్రీకాంత్ అడ్డాల దర్శకత్వంలో తెరకెక్కుతున్న ఈ సినిమా వెంకీకి 74వ సినిమా. ఇక 75వ సినిమా ఎవరితో ఉంటుంది అనేది హాట్ టాపిక్ గా మారింది. అయితే ఆ లిస్ట్ లో ముగ్గురు ప్రముఖ దర్శకులు ఉన్నట్లు తెలుస్తోంది. త్రివిక్రమ్ శ్రీనివాస్, పూరి జగన్నాథ్ అలాగే కిషోర్ తిరుమల వంటి దర్శకులు కథలను సిద్ధం చేసుకొని ఉన్నట్లు సమాచారం. మరి వెంకీ ముందు ఎవరితో వర్క్ చేస్తాడో చూడాలి. ఇక నారప్ప సినిమాను ఓటీటీలో రిలీజ్ చేసే ఛాన్స్ ఉన్నట్లు వస్తున్న వార్తల్లో ఎలాంటి నిజం లేదని చిత్ర యూనిట్ చెబుతోంది
