నటి షకీలా సమర్పణలో సాయిరామ్‌ దాసరి దర్శకత్వంలో రూపొందిన చిత్రం ‘లేడీస్ నాట్ ఎలౌడ్‌’. రమేష్ కావలి నిర్మిస్తున్నారు. విక్రాంత్ రెడ్డి సహ నిర్మాత. ఇదొక పూర్తిస్థాయి కామెడీ చిత్రం.
దర్శకుడు సాయి రామ్ దాసరి తెరకెకించిన అడల్ట్ కామెడీ హారర్ సినిమా.సెన్సార్ వివాదంతో గడిచిన సంవత్సర కాలంగా థియేటర్ రిలీజ్ కి నోచుకోలేని ఈ సినిమా ఇప్పుడు నేరుగా ఆన్ లైన్ లో విడుదల కానుంది.జులై 20న www.ladiesnotallowed.com అనే వెబ్సైట్ లో చిత్రం విడుదల కానుంది..సినిమా చూసేందుకు 50 రూపాయలు చెలించాల్సి ఉంటుందని చిత్ర బృందం తెలిపింది.వివరాలు లోకి వెళ్తే..
తొలి ప్రైవేట్ పాట తోనే కాంట్రవర్సీ దర్శకుడిగా పేరు తెచ్చుకొని.. తొలి సినిమా నుండి తీసిన ప్రతి సినిమాతో ఏదో ఒక వివాదంలో సృష్టిస్తూ.. వివాదాలకు కేర్ ఆఫ్ అడ్రెస్ గా మారిన సాయి రామ్ దాసరి గత సంవత్సరం ప్రముఖ నటి షకీలా సమర్పణలో లేడీస్ నాట్ యలౌడ్ అనే సినిమాను తెరకెకించారు.కానీ.. సెన్సార్ ఆ సినిమాకు సర్టిఫికెట్ ఇవ్వలేదు.ఈ వివాదాని ఆయన ఢిల్లీ వరకు తీసుకెళ్లారు.కరోనా కారణంగా ఆ వివాద పరిష్కారం ఇప్పటికి ముగియలేదు.మరో పక్క సినిమా హాల్స్ తెరుచుకొని ఇప్పటికే 100రోజులు పైన గడిచింది.ఇప్పట్లో సినిమా హాల్స్ తెరుచుకునే అవకాశం కూడా లేకపోవడంతో సినిమాను నేరుగా ఆన్ లైన్ లో విడుదల చేసేందుకు చిత్ర బృందం నిర్ణయించుకుంది.
ఇప్పటికే అందరూ ఓ.టి.టి లలో సినిమాను విడుదల చేస్తుంటే..రొటీన్ గా చేస్తే ఏముంది అనుకున్నారో ఏమో గాని తొలిసారిగా తెలుగు చిత్ర పరిశ్రమలో సినిమాకు ఒక వెబ్సైట్ చేసి నేరుగా అందులో చిత్రాన్ని విడుదల చేయనున్నారు.సినిమా చూసేందుకు ప్రేక్షకులు 50 రూపాయులు చెలించాల్సి ఉంటుంది.ఈ సినిమాను జులై 20న రాత్రి ఎనిమిది గంటలకు విడుదల చేస్తున్నట్లు దర్శకుడు సాయి రామ్ దాసరి తెలిపారు.ఈ వారం సినిమా ప్రోమోషన్ చేసేందుకు చిత్ర బృందం సన్నాహాలు చేస్తున్నట్లు షకీలా తెలిపారు.ఈ సినిమాను కావాలి రమేష్..విక్రాంత్ రెడ్డి..షకీలా సంయుక్తంగా నిర్మించారు.శ్రీ మిత్ర సంగీతం అందించగా..తరుణ్ కరంథోద్ సినిమాత్తోగ్రఫీ చేశారు. కె.ఆర్.స్వామి ఈ సినిమాకు ఎడిటర్ గా చేశారు.
