టాలీవుడ్‌కు చెందిన పలువురు యువ నటులు ఇటీవల పెళ్లి చేసుకున్న విషయం తెలిసిందే. రానా దగ్గుబాటి, నితిన్ మరియు నిఖిల్ ఈ సంవత్సరం వివాహం చేసుకున్నారు. ఈ జాబితాలో తాజాగా సాయి ధరమ్ తేజ్ కూడా చేరుతున్నట్లు తెలుస్తోంది. కుటుంబ సభ్యుల నిర్ణయం ప్రకారం వివాహ ప్రతిపాదనకు మెగా హీరో గ్రీన్ సిగ్నల్ ఇచ్చాడట. ఇక కుటుంబ సభ్యులంతా ఇటీవల ఒక అమ్మాయిని ఫిక్స్ చేసినట్లు సమాచారం.
వచ్చే ఏడాది వివాహం జరిగే అవకాశం ఉన్నట్లు తెలుస్తోంది. అయితే వధువు గురించి వివరాలు ఇంకా వెల్లడి కాలేదు.
సాయి ధరమ్ తేజ్ ఇటీవలే సోలో బ్రాతుకే సో బెటర్ షూటింగ్ పూర్తి చేసి రిలీజ్ కి రెడీ చేశాడు. ఈ చిత్రంను జీ 5లో దసరా కానుకగా విడుదల చేయాలని నిర్మాతలు డిసైడ్ అవుతున్నారు. అదే విధంగా తేజ్ ఈ నెలలో దేవా కట్టా పొలిటికల్ థ్రిల్లర్ షూటింగ్ ని స్టార్ట్ చేయనున్నాడు. అలాగే కార్తీక్ అనే ఒక కొత్త దర్శకుడి సినిమాకు కూడా గ్రీన్ సిగ్నక్ ఇచ్చిన సాయి తన పెళ్లికి విరామం తీసుకునే ముందు ఈ రెండు సినిమాలను పూర్తి చేస్తాడని సమాచారం.
