రెడ్ పప్పెట్ ప్రొడక్షన్స్ లో ప్రొడక్షన్ నెంబర్ 1గా సుభాష్ చంద్ర దర్శకత్వంలో సాయి సంతోష్ డిఓపిగా పనిచేస్తూ ఎస్ నాగ వంశీ సంగీత దర్శకుడుగా అనిల్ కుమార్ పి ఎడిటర్ గా ప్రారంభం కాబోతున్న చిత్రానికి నేడు అంగరంగ వైభవంగా హైదరాబాదులోని రామానాయుడు స్టూడియోస్ లో పూజా కార్యక్రమంతో ప్రారంభించడం జరిగింది. ఈ చిత్రాన్ని అభినవ్ నిర్మిస్తుండగా మేము ఫేమస్ సినిమా ఫేమ్ సుమంత్ ప్రభాస్ హీరోగా నిధి హీరోయిన్ గా నటించనున్నారు అలాగే ఈ చిత్రంలో జగపతిబాబు గారు కీలకపాత్ర పోషించనున్నారు.
ఈ సందర్భంగా హీరో సుమంత్ ప్రభాస్ మాట్లాడుతూ… “వేడుకకు హాజరు అయిన దర్శక నిర్మాతలు అందరికీ ధన్యవాదాలు. నాకు గోదావరి యాస అంటే చాల ఇష్టం. ఈ సినిమా గురించి తొలిసారి భీమవరం వెళ్ళాను. అలాగే రెడ్ పుప్పేట్ ప్రొడక్షన్ కి చాల ధన్యవాదాలు. విచ్చేసిన మీడియా మిత్రులకు & శ్రీ విష్ణు గారికి స్పెషల్ థాంక్స్” అన్నారు.
డైరెక్టర్ సుభాష్ చంద్ర మాట్లాడుతూ… “అతిధులుగా వచ్చేసిన ప్రతి ఒక్కరికీ పేరు పేరునా ధన్యవాదాలు. అమ్మ ప్రేమలాంటి ఓ చక్కటి కథను సినిమాగా తేయబోతున్నాము. ఒక తండ్రి కూతురుల మధ్య ఉండే ప్రేమానురాగాలను చూపిస్తూ ఈ సినిమా ఉండబోతుంది. జగపతి బాబు గారు ఈ సినిమాలో తండ్రి పాత్ర చేయబోతున్నారు. సునిల్ నారంగ్ గారు జగపతి బాబు గారు అయితే బావుంటారు” అన్నారు.
హిరోయిన్ నిధి మాట్లాడుతూ… “ఇక్కడికి వచ్చిన ప్రతి ఒక్కరికీ ధన్యవాదాలు. నాకు ఈ సినిమాలో భాగం కావడం ఎంతో సంతోషంగా ఉంది. నేను తమిళ్ అమ్మాయిని” అన్నారు.
