జబర్దస్త్ యాంకర్ రష్మీ ప్రేమపై అలాగే పెళ్లిపై రూమర్స్ ఏ స్థాయిలో వైరల్ అవుతుంటాయో స్పెషల్ గా చెప్పనవసరం లేదు. ముఖ్యంగా సుధీర్ కాంబినేషన్లో ఆమెపై వచ్చే రూమర్స్ కి అడ్డు అదుపు ఉండదు. రోజుకోటి వైరల్ అవుతూనే ఉంటాయి. ఇక రష్మీ, సుధీర్ కూడా వాటికి చాలా సార్లు ఎండ్ కార్డ్ వేయాలని చూశారు గాని, డోస్ ఏ మాత్రం తగ్గలేదు.
అసలు మ్యాటర్ లోకి వస్తే ఫెస్టివల్ సీజన్స్ లలో కూడా అప్పుడప్పుడు ఈ జంటకు పెళ్లి చేస్తూ షోల టీఆర్పీని గట్టిగానే పెంచుతుంటారు. ఇక ఈ దసరా సందర్భంగా ‘అక్కా ఎవరే అతగాడు?’ అనే ప్రత్యేక కార్యక్రమం ఈ టీవీలో ప్రసారం కానుంది. ఇటీవల ప్రోమోను కూడా విడుదల చేయగా అందులో సుధీర్, రష్మీ పెళ్లిపై మరోసారి స్కిట్ చేస్తున్నట్లు ఈజీగా అర్ధమయ్యింది. సీనియర్ హీరోయిన్ సంగీత, శేఖర్ మాస్టర్, యాక్టర్ నవదీప్, యాంకర్ వర్షిణి అలాగే మరికొందరు సింగర్స్ కూడా ఈ ప్రోగ్రామ్ లో పాల్గొనబోతున్నారు. రష్మీ- సుధీర్ మరోసారి పెళ్లి పీటలపై కనిపించి షోకి మంచి హైప్ క్రియేట్ చేసేశారు. ఆట పాటలతోనే కాకుండా మంచి కామెడీ స్కిట్స్ అన్ని వర్గాల వారు ఆకట్టుకునేలా ఉన్నారని అనిపిస్తోంది. మరి షో ఎంతవరకు ఆకట్టుకుంటుందో చూడాలి.
