కోవిడ్ -19 మహమ్మారి కారణంగా చాలా సినిమాల షూటింగ్స్ మధ్యలోనే ఆగిపోయాయి. దాదాపు ఏడెనిమిది నెలల అనంతరం ఆలస్యంగా ఒక్కొక్కరు షూటింగ్స్ స్టార్ట్ చేస్తున్నారు. ఇక ఫైనల్ గా పవన్ కళ్యాణ్ వకీల్ సాబ్ సెట్స్‌లో చేరాడు. పవన్ కళ్యాణ్ నటించిన కొన్ని సన్నివేశాలను ఇటీవల హైదరాబాద్ లోని ఓల్డ్ సిటీలో చిత్రీకరించారు. పవన్ కళ్యాణ్ డిసెంబర్ నాటికి తన వకీల్ సాబ్ షూటింగ్ ని పూర్తిగా ఫినిష్ చేయనున్నాడు.
ఆ సినిమా తరువాత పవన్ క్రిష్ యొక్క వీరూపక్షి, అలాగే అయ్యప్పనమ్ కోషియం సినిమాలతో బిజీ కానున్నాడు. హరీశ్ శంకర్, సురేందర్ రెడ్డి దర్శకత్వంలో చేయాల్సిన సినిమాలు కొంత ఆలస్యం అయ్యేలా ఉన్నాయని తెలుస్తోంది. ఇక ఇటీవల షూటింగ్ ప్రారంభించిన మరో టాలీవుడ్ హీరో విశ్వక్ సేన్. ఈ రోజు తన రాబోయే చిత్రం పాగల్ షూటింగ్ లో పాల్గొన్నాడు. వీలైనంత త్వరగా సినిమా షూటింగ్ ని పూర్తి చేయాలని అనుకుంటున్నారు. లవ్ డ్రామాగా తెరకెక్కుతున్న పాగల్ సినిమాను నరేష్ కుప్పిలి డైరెక్ట్ చేస్తుండగా ఈ చిత్రానికి రాధన్ సంగీతం సమకూర్చుతున్నారు.
