మహేష్ బాబుకు వినూత్నమైన పుట్టినరోజు కానుకలిచ్చి సంచలనం సృష్టిస్తున్న నెల్లూరు ప్రతిభా కిరణం మీనంగారి కిరణ్

మహేష్ బాబుకు పుట్టినరోజు కానుకగా ఇప్పటివరకు ఎవరూ ఇవ్వని అరుదైన కానుకలను బహూకరించాడు కిరణ్ అనే ఓ చిచ్చర పిడుగు.
‘సరిలేరు నీకెవ్వరు’ సినిమాలోని ‘రమణా లోడెత్తాలిరా’ ఫైట్ తోపాటు… కొండారెడ్డి బురుజు సెంటర్-ఇంటర్వెల్ బ్యాంగ్ ఫైట్ ను కిరణ్ అద్భుతంగా రీ-క్రియేట్ చేసి… సోషల్ మీడియాలో సంచలనం సృష్టిస్తున్నాడు కిరణ్. పూర్తి పేరు మీనంగారి కిరణ్. స్వస్థలం నెల్లూరు.
పరిస్థితుల ప్రభావం వల్ల తొమ్మిదో తరగతితో చదువు ఆపేసి.. పెంకుల పని చేస్తున్న 19 ఏళ్ల కిరణ్.. తన ఇద్దరు చెల్లెళ్లను చదివిస్తూ.. నాన్న లేని లోటు తీర్చుతూ… తమ చేపల వృత్తిలో అమ్మకు చేదోడువాదోడుగా ఉంటున్నాడు.
సినిమాలంటే తనకు ప్రాణమని.. ఇంతకుముందు కూడా తాను ‘ఎల్.కె.ఈవెంట్స్’ పేరిట ‘సర్కార్, కాటమరాయుడు’ చిత్రాల్లోని ఫైట్స్ రూపొందించానని.. అయితే మహేష్ బాబు బర్త్ డే సందర్భంగా రూపొందించిన ఈ రెండు ఫైట్స్ వైరల్ అవ్వడం… ఆ చిత్ర దర్శకుడు అనిల్ రావిపూడి వాటిని ట్వీట్ చేయడం నమ్మశక్యం కాకుండా ఉందని ఆనందంతో ఉక్కరిబిక్కిరి అవుతున్నాడు ‘మీనంగారి కిరణ్’.
ఇక సాక్షాత్తూ… మహేష్ బాబు నుంచి పిలుపు వస్తే.. ఇంకెంత సంబరపడిపోతాడో వేచి చూడాల్సిందే!!