మలయాళంలో సూపర్ హిట్ అయిన లూసీఫర్ సినిమా తెలుగులోకి రీమేక్ కానున్న విషయం తెలిసిందే. ఇందులో చిరంజీవి హీరోగా నటించనుండగా… మోహన్ రాజా ఈ సినిమాకు డైరెక్టర్‌గా వ్యవహరించనున్నాడు. అయితే తాజాగా ఈ సినిమాలో హీరోయిన్ ఎవరనే దానిపై క్లారిటీ వచ్చింది. ఈ సినిమా కోసం అనేకమంది హీరోయిన్ల పేర్లను పరిశీలించారు సుహసిని, విజయశాంతి, జెనిలియా, ఖుష్బు, రమ్యకృష్ణ, నదియ పేర్లను మేకర్స్ పరిశీలించారు.
కానీ చివరిగా నయనతార పేరును ఫిక్స్ చేసినట్లు సమాచారం. త్వరలోనే దీనికి సంబంధించి అధికారిక ప్రకటన వచ్చే అవకాశముంది. ఈ సినిమాలోని పాత్రకు నయనతార అయితే కరెక్ట్‌గా సరిపోతుందని చిరు, మోహన్ రాజు భావించారట. ఇప్పటికే ఈ సినిమాలో నటించేందుకు అంగీకరించిన నయనతార, సైన్ కూడా చేసినట్లు తెలుస్తోంది. రాంచరణ్‌తో కలిసి ఎన్వీ ప్రసాద్ ఈ సినిమాను నిర్మించనున్నారు.
