తెలుగులో పిట్టకథలు పేరుతో నెట్‌ఫ్లిక్స్ ఒక వెబ్ సిరీస్‌ను నిర్మిస్తున్న విషయం తెలిసిందే. ఇందులో లక్ష్మీ మంచు, ఈషారెబ్బా, శృతిహాసన్‌, అమలాపాల్‌, జగపతిబాబు, సత్యదేవ్‌, మేఘన, సంజిత్‌ హెగ్డే నటించారు. తరుణ్‌ భాస్కర్‌, నందిని రెడ్డి, నాగ్‌ అశ్విన్‌, సంకల్ప్‌ రెడ్డి ఈ వెబ్ సిరీస్‌ను తెరకెక్కించారు. ఇటీవలే విడుదలైన ఈ వెబ్ సిరీస్ టీజర్ సోషల్ మీడియాలో ట్రెండింగ్ సృష్టించింది.
ఫిబ్రవరి 19 నుంచి నెట్‌ఫ్లిక్స్‌లో ఈ వెబ్ సిరీస్ స్ట్రీమింగ్ కానుంది. హిందీలో సూపర్ హిట్ అయిన లవ్ స్టోరీస్‌కు తెలుగు రీమేక్ ఇది. అయితే ఈ వెబ్ సిరీస్‌లో తెలంగాణకు చెందిన ఒక రాజకీయ నాయకురాలిగా లక్ష్మీ మంచు నటించినట్లు తెలుస్తోంది. తెలంగాణలో మాస్‌లో లక్ష్మీ మంచు మాట్లాడనుందని తెలుస్తోంది. దీని కోసం లక్ష్మీ మంచు బాగా ప్రాక్టీస్ చేస్తోంది.
