మహానటి సినిమాతో మంచి క్రేజ్ అందుకున్న కీర్తి సురేష్ ఆ తరువాత తమిళ్ సినిమాలతో బిజీగా మారింది కానీ తెలుగు సినిమాలలో ఎక్కువగా కనిపించ లేదు. ఇక చాలా రోజుల తరువాత రంగ్ దే సినిమాతో త్వరలోనే తన స్థాయిని మరింత పెంచుకోవాలని చూస్తోంది. అసలు మ్యాటర్ లోకి వస్తే ఈ బ్యూటీ మెగాస్టార్ సినిమాలో ఒక సెంటిమెంట్ పాత్రలో కనిపించనున్నట్లు టాక్ వస్తోంది.
మెహర్ రమేష్ దర్శకత్వంలో మెగా స్టార్ తమిళ్ వేదళంను తెలుగులో రీమేక్ చేయబోతున్న విషయం తెలిసిందే. అయితే ఆ సినిమాలో మెగాస్టార్ చెల్లి పాత్ర కోసం కీర్తి సురేష్ ని అనుకుంటున్నారట. మొన్నటివరకు సాయి పల్లవిని ఫిక్స్ చేసినట్లుగా కథనాలు వచ్చాయి. కానీ ఇప్పుడు చిత్ర యూనిట్ మహానటి వైపు యూ టర్న్ తీలుకున్నట్టు రూమర్స్ వస్తున్నాయి. ఇది ఎంతవరకు నిజమో తెలియదు గాని కీర్తి సురేష్ మాత్రం తెలుగులో సర్కారు వారి పాట అనంతరం మరో రెండు పెద్ద సినిమాలతో సరికొత్తగా ఆకట్టుకునే అవకాశం ఉన్నట్లు తెలుస్తోంది.
