నటి కంగనా రనౌత్ కి ఈ సారు ఇబ్బందులు పెరిగే అవకాశం ఉంది. నటి కంగనా రనౌత్, ఆమె సోదరి రంగోలి చందేల్‌ను ముంబై పోలీసులు విచారించనున్నారు. సమన్లు ప్రకారం, ఇద్దరూ సోమవారం లేదా మంగళవారం పోలీసుల ముందు హాజరుకావలసి ఉంటుంది. దేశద్రోహహం కింద సమన్లు జారీ చేశారు. మతపరమైన చీలికను సృష్టించినందుకు కంగనా, రంగోలిపై గత వారం ఎఫ్ఐఆర్ నమోదైంది. ముంబై పోలీసులు ఐపిసిలోని 153 ఎ, 295 ఎఎ, 124 ఎ సెక్షన్ల కింద ఫిర్యాదులు చేశారు.
ముంబైని పాకిస్తాన్ ఆక్రమిత కాశ్మీర్‌తో పోల్చిన కంగనా ట్వీట్‌ను ప్రస్తావిస్తూ.. ముంగవార్ అలీ సయ్యద్ అలియాస్ సాహిల్ అనే వ్యక్తి బాంద్రా మేజిస్ట్రేట్ కోర్టులో పిటిషన్ దాఖలు చేశారు, కంగనా మరియు రంగోలి హిందూ మరియు ముస్లిం కళాకారుల గురించి ఇంటర్వ్యూలోనే కాకుండా ట్వీట్స్ చేస్తున్న విధానం చాలా మంది మత మనోభావాలను దెబ్బతీసిందని ఆరోపించారు. తదుపరి చర్యలు తీసుకొని వెంటనే విచారణ జరపాలని కోర్టు పోలీసులను ఆదేశించింది. పోలీసులు తెలిపిన వివరాల ప్రకారం కంగనా రనౌత్, ఆమె సోదరి రంగోలి చందేల్‌ను ప్రశ్నించడానికి సమన్లు జారీ చేశారు.
