పిఏ రంజిత్ దర్శకత్వంలో ఘనవేలు ప్రొడ్యూసర్గా చియాన్ విక్రమ్, మాల్వికా మోహన్ దాస్, పార్వతి తదితరులు కీలకపాత్రలో నటిస్తూ ప్రేక్షకుల ముందుకు రానున్న సినిమా తంగలాన్. ఈనెల 15వ తేదీన విడుదల కానున్న ఈ తమిళ్ డబ్బింగ్ సినిమా ప్రమోషన్స్ లో భాగంగా హైదరాబాద్ లో సోమవారం ఉదయం ఒక ప్రెస్ మీట్ పెట్టడం జరిగింది. అదే ప్రెస్ మీట్ లో సినిమా టీం Q&A లో భాగంగా విలేకరులతో సంభాషించారు. ఆ సంభాషణలో ఓ విలేఖరి తమిళ సినిమా ఇండస్ట్రీలో ప్రస్తుతం ఒక్క చర్చ జరుగుతుంది. తమిళ నిర్మాతల మండలి ఒక నిర్ణయం తీసుకుంది. హీరోలు ఎవరు కూడా అడ్వాన్స్ డబ్బులు తీసుకోకూడదు అని, అలాగే షూటింగులు ఆపేయడానికి నిర్ణయించుకున్నట్లు కొన్ని వార్తలు వస్తున్నాయి. వాటిపై మీ స్పందన ఏంటి అని విలేఖరి అడగగా చియాన్ విక్రమ్ ఈ విషయమై ఇప్పుడు తాను మాట్లాడబోనని, ప్రస్తుతం తంగలాన్ సినిమా గురించి మాత్రమే మాట్లాడుతానని అలాగే ఈ సినిమా తర్వాతే ఈ సమస్య గురించి మాట్లాడగలనని ఆయన సమాధానం ఇచ్చారు. అలాగే త్వరలోనే ఈ సమస్యకు పరిష్కారం రానుంది ఆయన అన్నారు.
తంగలాన్ సినిమాను స్టూడియో గ్రీన్ మరియు నీలం ప్రొడక్షన్స్ కలిసి నిర్మిస్తుండగా జీవి ప్రకాష్ ఈ సినిమాకు సంగీతం అందించారు.
