మెగాస్టార్ చిరంజీవి హీరోగా కొరటాల శివ తెరకెక్కిస్తున్న ఆచార్య సినిమా షూటింగ్ ఇటీవలే తిరిగి ప్రారంభమైన విషయం తెలిసిందే. సినిమాలోని పలువురు నటుడపై కీలక సన్నివేశాలను తెరకెక్కిస్తున్నారు. అయితే త్వరలో మెగాస్టార్ చిరంజీవి, మెగా వపర్ స్టార్ రాంచరణ్ ఈ సినిమా షూటింగ్‌లో పాల్గొననున్నారు. వచ్చే నెల 9వ తేదీ నుంచి ఆచార్య షూటింగ్‌లో చిరంజీవి, రాంచరణ్ పాల్గొననున్నారని సమాచారం.
ప్రస్తుతం హైదరాబాద్‌లోని కోకాపేటలో ఏర్పాటు చేసిన ప్రత్యేక సెట్‌లో ఈ సినిమా షూటింగ్ శరవేగంగా జరుగుతోంది. సినిమా కోసం కాలనీ సెట్ ఏర్పాటు చేశారు. ఈ సెట్‌లో చిరుపై కీలక ఘట్టాల్ని తెరకెక్కించనున్నారు. చిరుతో పాటు రాంచరణ్ కూడా ఈ షూటింగ్‌లో పాల్గొననున్నాడు. వచ్చే సమ్మర్‌లో ఈ సినిమాను విడదల చేసేందుకు మేకర్స్ ప్రయత్నాలు చేస్తున్నారు.
మ్యాట్నీ మూవీస్ బ్యానర్‌పై రాంచరణ్‌తో కలిసి నిరంజన్ రెడ్డి ఈ సినిమాను నిర్మిస్తున్నారు. కాజల్ అగర్వాల్ ఈ సినిమాలో చిరు పక్కన హీరోయిన్‌గా నటిస్తోంది. అయితే రాంచరణ్ పక్కన హీరోయిన్‌గా ఎవరు నటిస్తారనేది ఇంకా కన్ఫార్మ్ కాలేదు. త్వరలోనే రాంచరణ్ సరసన హీరోయిన్‌ను ఎంపిక చేయున్నారు.
