మెగాస్టార్ చిరంజీవికి కరోనా నెగిటివ్‌గా నిర్ధారణ కావడంతో అభిమానులు ఊపిరి పీల్చుకున్నారు. గత కొద్దిరోజుల క్రితం తనకు కరోనా సోకిందని, అయితే ఎలాంటి లక్షణాలు లేవని చిరంజీవి తన ట్విట్టర్‌లో ఒక పోస్ట్ పెట్టాడు. తాను వైద్యుల సలహా మేరకు హోం క్వారంటైన్‌లోనే ఉన్నానని, త్వరలోనే తాను తిరిగి కోలుకుంటానని ఆశిస్తున్నట్లు చిరు తెలిపాడు.
దీంతో చిరు త్వరగా కరోనా నుంచి కోలుకోవాలంటూ ఆయన అభిమానులు గత కొద్దిరోజులుగా పూజలు చేస్తున్నారు. ఈ క్రమంలో తనకు కరోనా నెగిటివ్ అని తేలిందంటూ తాజాగా చిరు స్వయంగా తన ట్విట్టర్‌లో పోస్ట్ పెట్టాడు.
‘ఆదివారం కరోనా టెస్ట్ చేయించుకుంటే రిజల్ట్ పాజిటివ్ రావడంతో బేసిక్ మెడిటేషన్ స్టార్ట్ చేశాను. రెండు రోజులు తర్వాత ఎలాంటి లక్షణాలు కనిపించకపోవడంతో అపోలో డాక్టర్స్‌ను సంప్రదించాను. అక్కడ CT స్కాన్ చేయడంతో చెస్ట్‌లో ఎలాంటి ట్రేసెస్ లేవన్నట్టు డాక్టర్లు నిర్ధారణకు వచ్చారు. ఆ తర్వాత టెస్టులో కరోనా నెగిటివ్ వచ్చింది. గతంలో వచ్చిన ఫలితాలు PCR కిట్ లోపం వల్ల వచ్చినవి అని తేలిందని చిరు స్పష్టం చేశాడు.
