చిరంజీవి-కొరటాల శివ కాంబినేషన్‌లో వస్తున్న ఆచార్య సినిమా టీజర్ వచ్చేసింది. సినిమా యూనిట్ ముందుగా ప్రకటించిన సమయం ప్రకారం… కొద్దిసేపటి క్రితం టీజర్‌ను విడుదల చేసింది. ఈ టీజర్‌లో మెగాస్టార్ దుమ్ము దులిపేశాడు. ఇందులో చిరు లుక్ చాలా కొత్తగా ఉంది. ఈ టీజర్‌కి రాంచరణ్ వాయిస్ ఓవర్ ఇవ్వగా.. రాంచరణ్ వాయిస్ హైలెట్‌గా నిలిచింది. ఫైట్ సీన్లు, టీజర్ చివరిలో చిరు డైలాగ్స్ చాలా బాగున్నాయి. టీజర్ దుమ్ములేపడంతో.. సినిమాపై అంచనాలు మరింతగా పెరిగిపోయాయి.
ఇందులో చిరంజీవి పక్కన కాజల్ అగర్వాల్ నటిస్తోంది. ఇక ఈ సినిమాలో రాంచరణ్ కూడా కీలక పాత్రలలో నటించనున్నాడు. రాంచరణ్ పక్కన పూజాహెగ్దే హీరోయిన్‌గా నటించనుందని తెలుస్తోంిద. ఈ సినిమా కోసం ఇండియాలోనే ఏ సినిమాకు వేయని అతి పెద్ద టెంపుల్ టౌన్ సెట్ వేశారు. కొణిదెల ప్రొడక్షన్స్, మ్యాట్నీ ఎంటర్‌టైన్‌మ్మెంట్స్ బ్యానర్లపై రాంచరణ్, నిరంజన్ రెడ్డి సంయుక్తంగా ఈ సినిమాను నిర్మిస్తున్నారు. సమ్మర్‌కి ఈ సినిమాని విడుదల చేయనున్నట్లు సినిమా యూనిట్ ప్రకటించింది.
