గ్లోబల్ స్టార్ రామ్ చరణ్ హీరోగా కైరా అద్వానీ హీరోయిన్గా శ్రీకాంత్, ఎస్ జె సూర్య, అంజలి, సముద్రఖని, సునీల్ తదితరులు కీలక పాత్రలో నటిస్తూ సంక్రాంతి సందర్భంగా జనవరి 10వ తేదీన ప్రేక్షకుల ముందుకు రానున్న చిత్రం గేమ్ ఛేంజర్. భారీ బడ్జెట్ తో పాన్ ఇండియా స్థాయిలో శంకర్ దర్శకత్వంలో ఈ చిత్రం రానుంది. అయితే నేడు ఈ చిత్ర టీజర్ లక్నోలో లాంచ్ చేయడం జరిగింది. నేటి వరకు ఢిల్లీ, ముంబై, బెంగళూరు, చెన్నై, హైదరాబాదు లాంటి మెట్రో సిటీలలో భారీ సినిమాలో వేడుకలు జరగటం చూస్తూ ఉంటాం. కానీ తొలిసారి లక్నోలో ఇటువంటి ఓ భారీ సినిమా టీజర్ లాంచ్ కార్యక్రమాన్ని చూస్తున్నాం. ఈ చిత్రంతో చరిత్రలో ఎన్నడూ జరగని పెద్ద ఈవెంట్ ఒకటి లక్నోలో చేస్తూ ఎవరు ఊహించిన విధంగా నిజంగానే గేమ్ చేంజ్ చేశారు.
