CCL 11వ సీజన్ & తెలుగు వారియర్స్ థ్రిల్లింగ్ గేమ్ షెడ్యూల్‌ను ప్రకటించింది. సెలబ్రీటీ క్రికెట్ లీగ్ (CCL) ఫిబ్రవరి 8న బెంగళూరులో 11వ సీజన్‌ను ప్రారంభం కానుంది, ఇది మైదానంలో మరపురాని క్షణాలను అందిస్తోంది. ఈ సీజన్‌లో నాలుగుసార్లు ఛాంపియన్‌లుగా తమ లెగసీ కంటిన్యూ ని చేయడానికి వారి ప్రతిష్టాత్మకమైన 5వ టైటిల్ గెలుపు కోసం సిద్ధమవుతున్న బలమైన జట్టు తెలుగు వారియర్స్ పై అందరి దృష్టి ఉంది. ఈ సందర్భంగా తెలుగు వారియర్స్ జెర్సీ లాంచ్ ప్రెస్ మీట్ నిర్వహించింది.
తెలుగు వారియర్స్ కెప్టెన్ అఖిల్ అక్కినేని మాట్లాడుతూ.. అందరికీ నమస్కారం. సిసిఎల్ 14 ఏళ్ల జర్నీ. గ్లింప్స్ లో చూస్తే ఓ చోట మరీ చిన్నపిల్లాడిలా కనిపించాను. సిసిఎల్ ఆడుతూ పెరిగాను. విష్ణు, సచిన్ పాషన్ తో ఇది సాధ్యపడిందని భావిస్తున్నాను. మేము నాలుగు సార్లు టైటిల్ గెలిచాం. ఈసారి కూడా టైటిల్ కొట్టి ఐదు సార్లు ఛాంపియన్ గా నిలుస్తామనే నమ్మకం వుంది. అన్నిటికంటే అందరినీ ఎంటర్ టైన్ చేయాలనే పాషన్ తో వస్తున్నాం. 14, 15 ఉప్పల్ స్టేడియంలో ఆడుతున్నాం. అందరూ వచ్చి సపోర్ట్ చేయాలని కోరుకుంటున్నాము’ అన్నారు
ఎస్ఎస్ తమన్ మాట్లాడుతూ.. క్రికెట్ అనేది నా చైల్డ్ వుడ్ డ్రీం. సిసిఎల్ ఫార్మెట్ నా డ్రీం ని తీర్చింది. దేశంలోని ప్రముఖ మైదానాల్లో క్రికెట్ ఆడటం ఓ అదృష్టం. అఖిల్ అగ్రెసివ్ కెప్టన్. తన ఎత్తుగడలు అద్భుతంగా వుంటాయి. తనలో చాలా ఫైర్ వుంది. క్రికెట్ మాకు చాలా ఎనర్జీ ఇస్తోంది. మాది చాలా క్రేజీ టీం. సచిన్ టీంకి ఓనర్ తో పాటు ఆటగాడిగా బిగ్గెస్ట్ స్ట్రెంత్. మూడు నెలలుగా చాలా ప్రాక్టీస్ చేశాం. ఈసారి తప్పకుండా కప్ కొడతాం. విష్ణు చాలా పాషన్ తో సీజన్స్ ని ముందుకు తీసుకుతీసుకెళ్తున్నారు. అందరికీ థాంక్ యూ సో మచ్’ అన్నారు.
సచిన్ జోషి మాట్లాడుతూ.. ఇండియాలో అందరి డ్రీం క్రికెట్. ఆ డ్రీం మాకు సిసిఎల్ రూపంలో తీరింది. ఈ క్రెడిట్ విష్ణుకి ఇస్తాను. తన ఆలోచన గొప్ప విజయం సాధించింది. వెంకటేష్ గారికి థాంక్ యూ. ఆయన సపోర్ట్ ని మర్చిపోలేను. మా టీం అంతా నా ఫ్యామిలీ. అన్ని సమయంలో చాలా సపోర్ట్ చేశారు. అఖిల్ పాషనేట్ క్రికెటర్. వండర్ ఫుల్ పర్శన్. తమన్ టీంలో స్పిరిట్ ని తీసుకొస్తుంటారు. మా స్పాన్సర్స్ అందరికీ థాంక్ యూ’ అన్నారు. `
అశ్విన్ మాట్లాడుతూ.. విష్ణు అన్న చాలా సక్సెస్ ఫుల్ గా సీజన్ రన్ చేస్తున్నారు. మేమంతా చాలా పాషన్ తో ఆడుతున్నాం. ఐదోసారి కప్ తీసుకొస్తామని మా టీం అందరి తరపున చెబుతున్నాను. మీ అందరి సపోర్ట్ కావాలి’అన్నారు.
రఘు మాట్లాడుతూ.. సిసిఎల్ ని ఇంటర్నేషనల్ స్టాండర్డ్స్ తో నిర్వహిస్తున్న విష్ణు గారి థాంక్ యూ. నాలుగు స్టార్లు కప్పుకొట్టాం. ఈసారి మళ్ళీ కప్పు కొడతాం.’ అన్నారు
ఆది మాట్లాడుతూ.. అందరికీ నమస్కారం. తెలుగు వారియర్స్ కెప్టన్ అఖిల్ మాకు విరాట్ కోహ్లి లాంటి ప్లేయర్, చాలా పాషన్ తో ఆడుతున్నాం. నాలుగు సార్లు కప్ కొట్టాం. ఈసారి మళ్ళీ ఛాంపియన్ అవుతాం’ అన్నారు.
సామ్రాట్ మాట్లాడుతూ,.. సీజన్ వన్ నుంచి వున్నాను. ఈ జర్నీలో అప్స్ అండ్ డౌన్స్ అన్నీ చూశాను. విష్ణు గారు చాలా పాషన్ తో టోర్నమెంట్ నిర్వహిస్తున్నారు. అఖిల్ ఇంటెల్జెంట్ కెప్టన్. తమన్ అన్న మై పార్ట్నర్. ఈ సీజన్ కప్ మాదే’ అన్నారు.
CCL వ్యవస్థాపకుడు విష్ణు వర్ధన్ ఇందూరి మాట్లాడుతూ.. CCL 11వ సీజన్‌కు చేరుకోవడం మాకు గర్వకారణం. ఈ టోర్నమెంట్ ప్రత్యేకమైనది, భారతదేశంలోని చలనచిత్ర పరిశ్రమల నుండి నటీనటులను ఒకే వేదికపైకి తీసుకువస్తుంది. పాల్గొనే జట్ల నైపుణ్యం, స్ఫూర్తి , దృఢ సంకల్పాన్ని చూసి మేము సంతోషిస్తున్నాము తెలుగు వారియర్స్ ఎల్లప్పుడూ టోర్నమెంట్‌కు అదనపు ఉత్సాహాన్ని తెస్తుంది.’ అన్నారు.
Rika Valley Chairman షోరబ్ అర్ఫాత్ మాట్లాడుతూ.. విష్ణు గారికి సచిన్ గారికి థాంక్ యూ. అఖిల్ గారు గ్రేట్ ఫైటర్ ఇన్ క్రికెట్. ఈ అవకాశం ఇచ్చిన అందరికీ థాంక్ యూ’ అన్నారు.
సీజన్ & గేమ్ షెడ్యూల్
* ఫిబ్రవరి 8, బెంగళూరు:
తెలుగు వారియర్స్ vs. కర్ణాటక బుల్డోజర్స్
* ఫిబ్రవరి 14, హైదరాబాద్ (రాజీవ్ గాంధీ ఇంటర్నేషనల్ స్టేడియం, ఉప్పల్):
తెలుగు వారియర్స్ vs. భోజ్‌పురి దబ్బాంగ్స్
* ఫిబ్రవరి 15, హైదరాబాద్ (రాజీవ్ గాంధీ ఇంటర్నేషనల్ స్టేడియం, ఉప్పల్):
తెలుగు వారియర్స్ vs. చెన్నై రైనోస్
* ఫిబ్రవరి 23, సూరత్:
తెలుగు వారియర్స్ vs. బెంగాల్ టైగర్స్
సోనీ స్పోర్ట్స్ టెన్ 3 ఛానల్, హాట్‌స్టార్ OTTలో ప్రత్యక్ష ప్రసారం
