విక్టరీ వెంకటేష్, బ్లాక్ బస్టర్ హిట్ మెషిన్ అనిల్ రావిపూడి, మోస్ట్ సక్సెస్ ఫుల్ బ్యానర్ శ్రీవెంకటేశ్వర క్రియేషన్స్ పొంగల్ బ్లాక్ బస్టర్ ‘సంక్రాంతికి వస్తున్నాం’. దిల్ రాజు సమర్పణలో శిరీష్ ఈ చిత్రాన్ని గ్రాండ్ గా నిర్మించారు. మీనాక్షి చౌదరి, ఐశ్వర్య రాజేష్ హీరోయిన్స్ గా నటించారు. సెన్సేషనల్ కంపోజర్ భీమ్స్ సిసిరోలియో చార్ట్ బస్టర్ మ్యూజిక్ ఇచ్చారు. జనవరి 14న ప్రపంచవ్యాప్తంగా ప్రేక్షకుల ముందుకు వచ్చిన ఈ చిత్రం అందరినీ అద్భుతంగా అలరించి, రికార్డ్ బ్రేకింగ్ హౌస్ ఫుల్ కలెక్షన్స్ తో పొంగల్ బ్లాక్ బస్టర్ విజయాన్ని అందుకుని సక్సెస్ ఫుల్ గా రన్ అవుతోంది. ఈ నేపధ్యంలో డిస్ట్రిబ్యూటర్స్ గ్రాటిట్యూడ్ మీట్ నిర్వహించారు.
డిస్ట్రిబ్యూటర్స్ గ్రాటిట్యూడ్ మీట్ లో డైరెక్టర్ అనిల్ రావిపూడి మాట్లాడుతూ.. అందరికీ నమస్కారం. ఆడియన్స్ లేకపోతే ఈ విజయాన్ని మేము ఊహించలేము. ఎర్లీ మార్నింగ్ షోస్ కి ఫ్యామిలీస్ తో కలిసి సినిమా చూశారంటే మామూలు విషయం కాదు. ఇలాంటి అద్భుతాలు చూస్తూ ఎంజాయ్ చేయడమే. నా కెరియర్ లో ఇది ఒక మిరాకిల్. ఈ విజయాన్ని ఆస్వాదిస్తున్నాను. ఈ సినిమా సక్సెస్ లో మేజర్ క్రెడిట్ వెంకటేష్ గారికి దక్కుతుంది. ఆయన సపోర్ట్ ని మర్చిపోలేను. మీనాక్షి చౌదరి ఐశ్వర్య కూడా చాలా అద్భుతంగా పెర్ఫామ్ చేయడంతో పాటు ప్రమోషన్స్ లో కూడా చాలా హెల్ప్ చేశారు. సినిమా టీమ్ అందరికీ పేరుపేరునా థాంక్యూ నిర్మాత హ్యాపీగా ఉండాలనే టార్గెట్ పెట్టుకుని సినిమాను తీస్తుంటాను. ఇప్పటివరకు ఎనిమిది సినిమాలు చేస్తే ఆరు సినిమాలు రాజు గారితో చేశాను. ఎస్విసి బ్యానర్ ఎన్నో గొప్ప సినిమాలు తీసిన బ్యానర్. ఆ బ్యానర్ కొన్ని జనరేషన్స్ ఉండాలి, ఉంటుంది. డిస్ట్రిబ్యూటర్స్ ఈవెంట్ చేయడం చాలా ఆనందంగా ఉంది. డిస్ట్రిబ్యూటర్స్ కి వచ్చిన నెంబర్స్ అన్ని చాలా అద్భుతంగా ఉన్నాయి. ఈ సంవత్సరం సంక్రాంతి డిస్ట్రిబ్యూటర్స్ కి మెమరబుల్ అయింది. ఈ సినిమా ద్వారా నేనెప్పుడూ వినలేను, చూడలేనేమో అనుకునే రెండు జరిగాయి.ఆరు రోజుల్లో 100 కోట్లు షేర్ కొట్టింది. రీజనల్ ఫిలిం కి చూడలేనేమో అనుకున్న 300 గ్రాస్ నెంబర్ చూడబోతున్నాను. చాలా హ్యాపీగా ఉంది. నెక్స్ట్ చేయబోయే సినిమాలకు చాలా బాధ్యత పెరిగింది. మిమ్మల్ని ఎంటర్టైన్ చేయడానికి ఎప్పుడూ ముందు వుంటాను. ఈసారి డిస్ట్రిబ్యూటర్స్ తో వేడుక జరిగింది నెక్స్ట్ ఎగ్జిబిటర్స్ తో కూడా ఒక ఈవెంట్ చాలా గ్రాండ్ గా నిర్వహించి సంక్రాంతికి వస్తున్నాం సక్సెస్ షీల్డ్స్ ని అందరికీ ఇవ్వాలని భావిస్తున్నాం. అందరికీ పేరుపేరునా ధన్యవాదాలు’ అన్నారు
నిర్మాత దిల్ రాజు మాట్లాడుతూ.. డిస్ట్రిబ్యూటర్స్ గ్రాటిట్యూడ్ మీట్ పెడతామని చెప్పగానే చాలా ఆనందంగా అనిపించింది. సాధారణంగా డిస్ట్రిబ్యూటర్స్ కి బ్రేక్ ఈవెన్ అయితేనే సూపర్ హిట్ అని చెప్పుకునే పరిస్థితి నెలకొంది. వాళ్ళు నష్టపోయినప్పుడు కూడా సినిమా సూపర్ హిట్ పోస్టర్స్ పడుతుంటాయి .కల్చర్ మారిపోయింది. 90% ఫెయిల్యూర్స్ ఉండే ఇండస్ట్రీ ఇది. జస్ట్ 10% మాత్రమే సక్సెస్. మా డిస్ట్రిబ్యూటర్స్ సక్సెస్ ఫెయిల్యూర్స్ అన్నిటిని తట్టుకుని మాతో జర్నీ కంటిన్యూ చేస్తున్నారు. 20 ఏళ్ల పాటు ఒక ప్రొడ్యూసర్ తో డిస్ట్రిబ్యూటర్స్ కంటిన్యూ అవ్వడం అనేది ఇండస్ట్రీలో చాలా ఆరుదు. డిస్ట్రిబ్యూటర్స్ అందరికీ థాంక్యూ. బడ్జెట్ కాదు కథలే ఇంపార్టెంట్. మేము కూడా కథలని నమ్ముకుని సినిమాలో నిర్మించాం. కొత్త దర్శకులతో తీసినప్పుడు ఎన్ని సక్సెస్ లు క్లాసిక్సులు వచ్చాయో అందరికి తెలిసిందే. మేము కూడా కాంబినేషన్స్ అని గత నాలుగు ఐదు ఏళ్ళుగా తడబడుతున్నాం. అనిల్ మళ్ళీ మాకు రూటు చూపించారు. సంక్రాంతికి వస్తున్నాం సెన్సేషనల్ హిట్. సంక్రాంతికి వస్తున్నాం సక్సెస్ తో ఒక రహదారి వేసి ఇచ్చాడు. మా సంస్థ నుంచి అద్భుతమైన సినిమాలు రావడానికి ఇది మాకు ఒక బిగ్ ఎనర్జీ. ఈ సక్సెస్ నాకు కూడా చాలా పాఠాలు నేర్పించింది. అనిల్ తో ఆరు సినిమాలు చేస్తే ఆ 6 విజయవంతం అయ్యాయి. అనిల్ తో సినిమా తీసినప్పుడు నిర్మాతగా ఒత్తిడికి లోనవ్వలేదు. తనతో నాకు చాలా కంఫర్టబుల్గా ఉంటుంది. ఎక్కడో పడిపోతున్న మమ్మల్ని పైకి తీసుకొచ్చి నిలబెట్టాడు. మళ్ళీ అద్భుతమైన సినిమాలు తీస్తాం. రిజల్ట్స్ 100% వస్తాయి. వెంకటేష్ గారు ప్రొడ్యూసర్ ఫ్రెండ్లీ హీరో. ఆయన నిర్మాతలు ఇచ్చే గౌరవం మాములుగా ఉండదు. అందుకే అద్భుతంగా ఆయనతో నాలుగు సినిమాలు చేయగలిగాం. ఈ సినిమా ఇంత పెద్ద విజయం అవ్వడానికి కారణమైన వెంకటేష్ గారికి మనస్ఫూర్తిగా ధన్యవాదాలు. మా టీమ్ అందరికీ థాంక్యు వెరీ మచ్’ అన్నారు.
నిర్మాత శిరీష్ మాట్లాడుతూ.. ఇంత పెద్ద సక్సెస్ ఇచ్చిన అనిల్ రావిపూడి కి థాంక్యూ.ఎప్పుడూ మాతోనే ఇలానే ఉండాలి. డిస్ట్రిబ్యూటర్స్ ని హ్యాపీగా చేస్తూ సినిమాలు తీస్తూనే ఉండాలి. మా సంస్థ డిస్ట్రిబ్యూషన్ నుంచే మొదలైంది. ఒక 20 ఏళ్ల క్రితం డిస్ట్రిబ్యూటర్ కి ఉన్న వాల్యూ ఈరోజు లేదు ఇలాంటి సమయంలో డిస్ట్రిబ్యూటర్ తలెత్తుకునేలా చేసిన సినిమా సంక్రాంతికి వస్తున్నాం. నిజాయితీగా ఈ సినిమా ఇంత చేసింది అని తలెత్తుకుని చెప్తున్న సభ ఇది. మాతోపాటు జర్నీ చేస్తున్న మా డిస్ట్రిబ్యూటర్స్ అందరికీ థాంక్యూ’అన్నారు
డిస్ట్రిబ్యూటర్ సాయి కృష్ణ మాట్లాడుతూ.. అనిల్ నేను ఫ్రెండ్స్. తన ప్రతి సినిమాకి రచన సహకారం చేశాను. అనిల్ రావిపూడి వరుసగా హిట్లు తీసుకుంటూ వస్తున్నారు. తన ప్రతి సినిమాకి నేను రైటర్ గా చేస్తూ వచ్చిన ప్రతి రూపాయిని శిరీష్ గారు రాజుగారికి ఇచ్చి డిస్ట్రిబ్యూషన్ లో పెట్టండి నాకు డబ్బులు కావాలని అడుగుతుంటాను. ప్రతి సినిమాకి నాకు ఒక రూపాయి ఎక్స్ట్రాగానే వచ్చింది. అనిల్ రావిపూడి సినిమా చూడాలంటే మీరు థియేటర్లో చూడండి. జనాలతో కలిసి చూడండి. చాలా బాగా ఎంజాయ్ చేస్తారు. అనిల్ తన చుట్టూ ఉన్న వాళ్ళందరిలోనూ పాజిటివ్ యాటిట్యూడ్ నిప్పుతుంటాడు. తన సినిమాల వలన నేను చాలా లాభపడ్డాను’ అన్నారు.
డిస్ట్రిబ్యూటర్ రాజేష్ మాట్లాడుతూ..అందరికీ నమస్కారం. అనిల్ రావిపూడి గారితో సరిలేరు నీకెవ్వరు డిస్ట్రిబ్యూట్ చేశాను. ఇది ఆయనతో రెండో సినిమా. కర్ణాటక కోటిన్నరకి తీసుకుంటే నిన్నటికి 10 కోట్లు గ్రాస్ దాటింది. 20% వస్తే హ్యాపీ ఇది సిక్స్ హండ్రెడ్ పర్సెంట్. ప్రొడ్యూసర్ అయ్యాక చేసిన ఫస్ట్ డిస్ట్రిబ్యూషన్ సినిమా. రాజుగారు మళ్లీ మళ్లీ సంక్రాంతికి ఇలాంటి సినిమాలే తీయాలి. లోకల్ సినిమా తీసి పాన్ ఇండియా రికార్డులు బద్దలు కొట్టిన సినిమాగా ఇది నాకు ఒక ఇన్స్పిరేషన్. ఇలాంటి ఫ్యామిలీ ఎంటర్టైన్మెంట్ సినిమాలే తీయాలని మనస్పూర్తిగా కోరుకుంటున్నాను. ఈ అవకాశం ఇచ్చిన మా ప్రొడ్యూసర్ రాజుగారికి శిరీష్ గారికి డైరెక్టర్ గారికి థాంక్యూ’ అన్నారు.
డిస్ట్రిబ్యూటర్ హరి మాట్లాడుతూ.. సంక్రాంతికి వస్తున్నాం సినిమాని ఇంత పెద్ద హిట్ చేసిన ఆడియన్స్ కి మనస్ఫూర్తిగా కృతజ్ఞతలు. సంక్రాంతికి వస్తున్నాం చాలా ప్రత్యేకమైన సినిమా. కొన్ని సంస్థలను కొంతమంది వ్యక్తుల్ని నిలబెట్టిన సినిమా. మరో 10 సంవత్సరాలు కావలసిన ఎనర్జీని ఈ సినిమా ఇచ్చింది. ప్రతి సినిమా రిలీజ్ కి ముందు డిస్ట్రిబ్యూటర్స్ కి చాలా టెన్షన్ ఉంటుంది. సినిమా రిపోర్టు వచ్చేంతవరకు ఒక రకమైనటువంటి ఒత్తిడి ఉంటుంది. మా ఇళ్ళల్లో సినిమా బాగుండాలని పూజలు చేస్తుంటారు. అయితే దిల్ రాజు గారు సిరీస్ గారు లాంటి నిర్మాతలు ఉండడంతో మా కుటుంబాల్లో చాలా ధైర్యంగా ఉంటున్నారు. దీంతోపాటు అనిల్ రావు పూడి గారు మాకు తోడయ్యారు. ఈ ధైర్యాన్ని ఇచ్చిన దిల్ రాజు గారికి అనిల్ రాపూడి గారికి థాంక్యూ. నా కెరియర్లో ఇప్పటివరకు 400 సినిమాలు రిలీజ్ చేశాను. ఎప్పుడో సింహ సినిమా రిలీజ్ అయిన మూడో రోజుకి బ్రేక్ ఈవెన్ అయింది. సంక్రాంతికి వస్తున్నాం మాత్రం రెండున్న రోజుల్లో కొన్న రేటు దాటింది. ఈరోజుకి మంచి కలెక్షన్స్ తో రన్ అవుతుంది. ఈ సినిమా ఎంతమంది జీవితాల్లో సంతోషాన్ని నింపిందో నాకు తెలుసు. ఈ సినిమా కలెక్షన్స్ మా కెరీర్ లో ఒక మిరాకిల్. ఇలాంటి సినిమా మళ్లీ ఎప్పుడు వస్తుందో కూడా ఊహించలేం. అందుకే ఈ సక్సెస్ మీట్ ని మేము చేస్తున్నాం .ఇంత పెద్ద సినిమా మాకు ఇచ్చిన దిల్ రాజు గారికి శిరీష్ గారికి అనిల్ రాపూడి గారికి రుణపడి ఉంటాం’అన్నారు.
డిస్ట్రిబ్యూటర్ శోభన్ మాట్లాడుతూ.. అందరికీ నమస్కారం. సంక్రాంతికి వస్తున్నాం సినిమా రాయలసీమలో చాలా అద్భుతంగా ఆడింది. దిల్ రాజు గారితో నాకు 20 ఏళ్లుగా అనుబంధ ఉంది. సంక్రాంతికి వస్తున్నాం సినిమా చేసిన ప్రతి డిస్ట్రిబ్యూటర్ చాలా హ్యాపీగా ఉన్నారు. ఈ సినిమాని ఒక లెవల్ కు తీసుకువెళ్లి కూర్చోబెట్టిన డైరెక్టర్ అనిల్ రావిపూడి గారికి థాంక్యూ. ఆయన చేసిన చేయాలని మనస్ఫూర్తిగా కోరుకుంటున్నాను. మాకు అద్భుతమైన విజయాన్ని ఇచ్చిన దిల్ రాజు గారికిమ అనిల్ గారికి ప్రత్యేక కృతజ్ఞతలు’ తెలిపారు.
డిస్ట్రిబ్యూటర్ ఎల్విఆర్ మాట్లాడుతూ.. రాజు గారితో ఇరవై ఏళ్ళుగా అనుబంధం వుంది. అనిల్ రావిపూడి గారి సినిమాల్ని వెస్ట్ గోదావరిలో నేనే పంపిణీ చేశాను. సంక్రాంతికి వస్తున్నాం చాలా సంవత్సరాల తర్వాత మా డిస్ట్రిబ్యూటర్స్ కి మంచి సంక్రాంతి. 20% కమిషన్ చూసి చాలా సంవత్సరాలు అయింది. ఇప్పటివరకు ఇండస్ట్రీలో డిస్ట్రిబ్యూటర్స్ సెలబ్రేట్ చేయడం అనేది లేదు. ఇదే ఫస్ట్ టైం. రాజు గారిని శిరీష్ గారిని మేమే రిక్వెస్ట్ చేశాము. దానికి వారు అంగీకరించారు. ఎన్ని కోట్లు ఖర్చు పెట్టాం కాదు కంటెంట్ ఉంటేనే సినిమా హిట్ అనే పాఠాన్ని ఈ సినిమా ద్వారా అనిల్ గారు ఇండస్ట్రీకి నేర్పారు. చాలా సంవత్సరాల తర్వాత థియేటర్స్ కి రాని ఆడియన్స్ కూడా ఈ సినిమాకి వచ్చారు. మంచి సినిమా తీస్తే చూడ్డానికి రెడీగా ఉన్నామని ప్రూవ్ చేశారు. రాబోయే కాలంలో ఆయన ఇటువంటి మంచి సినిమాలు మరెన్నో చేయాలని కోరుకుంటున్నాను. ప్రతి సంక్రాంతికి బ్లాక్ బస్టర్ ఆయన నుంచి ఆశిస్తున్నాం’ అన్నారు.
