మహంకాళి పిక్చర్స్‌ పతాకంపై భరత్ చౌదరి, ప్రియాంక నాంది హీరో హీరోయిన్లుగా జె. మోహన్‌కాంత్‌ దర్శకత్వంలో మహంకాళి నాగ మహేష్ నిర్మించిన యాక్షన్‌ ఎంటర్‌ టైనర్‌ ‘మిషన్‌ 007’ ట్రైలర్‌ లాంచ్‌ హైదరాబాద్‌ ప్రసాద్‌ ల్యాబ్‌లో శుక్రవారం ఘనంగా జరిగింది.
ఈ సందర్భంగా దర్శకుడు మోహన్ కాంత్ మాట్లాడుతూ… “మా ట్రైలర్‌ లాంచ్‌ ఈవెంట్‌కు విచ్చేసిన అందరికీ ధన్యవాదాలు. మధ్యప్రదేశ్‌ టూరిజం బోర్డ్‌ ఇక్కడ ఒక మీటింగ్‌ పెట్టారు. చిన్న సినిమాలు అక్కడకు వచ్చి షూటింగ్‌ చేసుకుంటే సబ్సిడీ కూడా ఇస్తామని చెప్పారు. నేను వెళ్లి లొకేషన్‌లు కూడా చూసుకున్నాను. ఆర్.వి. గారు నన్ను చక్కగా గైడ్‌ చేశారు. లైన్‌ ప్రొడ్యూసర్ క్రియేటర్ డ్రీమ్స్ అధినేత సాథ్‌ఖాన్‌ గారు లేకపోతే మేం ఇంత హ్యాపీగా సినిమా కంప్లీట్‌ చేసుకునే వాళ్లం కాదు. హీరోయిన్‌ ప్రియాంకా అక్కడ పెట్టిన స్క్రీన్‌ టెస్ట్‌కు హాజరయ్యారు. తెలుగులో సింగిల్‌ టేక్‌లో డైలాగ్‌లు చెప్పి మమ్మల్ని ఆశ్చర్య పరిచారు. ఇక ఇమ్రాన్‌ఖాన్‌ గారు హిందీలో పెద్ద సినిమాలు చేస్తున్నా.. మా సినిమా అంగీకరించడం గొప్ప విషయం. నటి తనూ హట్కర్‌ అయితే నేచురాలిటీ కోసం నిజంగా దెబ్బలు తిన్నది. సంగీత దర్శకులు సుభాష్‌ గారు చాలా కష్టపడ్డారు. మధ్యప్రదేశ్‌ నుంచి వచ్చిన టూరిజం మినిస్టర్‌ గారికి ప్రత్యేక ధన్యవాదాలు. హీరో భరత్ అయితే సినిమా మొత్తం రిస్క్‌ తీసుకుని చేశారు. ఎందుకంటే దాదాపు అన్నీ రిస్కీ షాట్సే. సెంకడ్‌ హీరోగా చేసిన వంశీకృష్ణ కూడా అమేజింగ్‌ హార్డ్‌ వర్కర్‌. ప్రతి ఆర్టిస్ట్‌, టెక్నీషియన్‌ ఇది తమ స్వంత ప్రొడక్షన్‌ అన్నట్లుగా పనిచేశారు. అందరికీ పేరు పేరునా ధన్యవాదాలు. మా నిర్మాత మహంకాళి నాగమహేష్‌ గారు తొలి ప్రొడక్షన్‌ అయినప్పటికీ చెప్పిన దానికన్నా ఎక్కువ బడ్జెట్‌ అయినా, కాంప్రమైజ్‌ కాకుండా నిలబడ్డారు. అందరికీ నచ్చే మూవీ ఇది” అన్నారు.
నిర్మాత నాగమహేష్‌ మాట్లాడుతూ… “ముందుగా మమ్మల్ని ఆశీర్వదించటానికి ఈ ఈవెంట్‌కు విచ్చేసిన పెద్దలకు నా ధన్యవాదాలు. మోహన్‌గారు లైన్‌ చెప్పినప్పుడు చాలా ఎగ్జైట్‌ ఫీలయ్యా. ముందుగా అనుకున్న బడ్జెట్‌ను క్రాస్‌ చేసి వెళుతున్నా.. సినిమా అవుట్‌పుట్‌ మీద ఉన్న నమ్మకంతో వెనక్కు తగ్గలేదు. యూనిట్‌ మొత్తం తమ స్వంత సినిమా భావించి పనిచేశారు. ఖచ్చితంగా ప్రేక్షకుల్ని థ్రిల్‌కు గురి చేసే సినిమా అవుతుంది. మాకు అన్ని విధాలా సహకరించిన మధ్యప్రదేశ్‌ ప్రభుత్వానికి ప్రత్యేక ధన్యవాదాలు” అన్నారు.
హీరో భరత్ మాట్లాడుతూ… దర్శకులు మోహన్ గారు స్టోరీ చెప్పినప్పుడు ఆర్మీ బ్యాక్‌డ్రాప్‌ అనగానే భయం వేసింది. కానీ ఆయనలోని కాన్ఫిడెన్స్‌ చూసి నేను డేర్‌ చేశాను. ఆయన వెరీ ప్యాషనేట్‌. నిర్మాత నాగ మహేష్‌గారు దీన్ని ఒక హైబడ్జెట్‌ మూవీ రేంజ్‌కు తీసుకువెళ్లారు. వేరే నిర్మాత అయితే ఇంత క్వాలిటీగా అవుట్‌పుట్‌ రావడం అసాధ్యం. ఆయన ధైర్యానికి హేట్సాఫ్‌. హీరోయిన్‌ ప్రియాంక, తను, వంశీకృష్ణ ఇలా అందరూ ప్రాణం పెట్టి చేశారు. ప్రేక్షకులు తప్పకుండా సపోర్ట్‌ చేస్తారనే నమ్మకం ఉందన్నారు.
హీరోయిన్‌ ప్రియాంక మాట్లాడుతూ… “ఇలాంటి ఒక మంచి సినిమాలో నేను కూడా భాగస్వామి అయినందుకు సంతోషంగా ఉంది. కమర్షియల్‌ ఎలిమెంట్స్‌తో పాటు దేశభక్తి కూడా ఉండటం మా సినిమాకు గర్వకారణం. మంచి ఆర్టిస్ట్స్‌, టెక్నీషియన్స్‌తో రూపొందిన మంచి సినిమా. నాకు ఈ అవకాశం ఇచ్చిన దర్శక, నిర్మాతలకు థ్యాంక్స్‌. మమ్మల్ని ఆశీర్వదించటానికి ఇక్కడికి విచ్చేసిన అందరికీ థ్యాంక్స్‌” అన్నారు.
నటీనటులు : భరత్ చౌదరి, ప్రియాంక నాంది తదితరులు.
డి ఓ పి: కిరణ్
ఎడిటర్: మహేంద్ర
ఫైట్స్: జీవన్ కుమార్
పి ఆర్ ఓ: బి వీరబాబు
ప్రొడ్యూసర్: మహంకాళి నాగ మహేష్
రైటర్, డైరెక్టర్: జె. మోహన్ కాంత్
