సుకుమార్ దర్శకత్వంలో ఐకాన్ స్టార్ అల్లు అర్జున్,నేషనల్ క్రష్ రష్మిక మందన జంటగా నటిస్తూ ఫహాద్ ఫాజిల్, సునీల్, అనసూయ భరద్వాజ్, రావు రమేష్ తదితరులు కీలకపాత్రల పోషిస్తూ 2021లో ప్రేక్షకుల ముందుకు వచ్చిన చిత్రం పుష్ప. నాటి మార్కెట్లోని ఎన్నో సినిమాలను మించి ఈ సినిమా అంచనాలను దాటుకుని బాక్స్ ఆఫీస్ లో నిలిచింది. ఇప్పుడు ఈ సినిమాకు పార్ట్ 2గా పుష్ప ది రైస్ డిసెంబర్ 5వ తేదీన ప్రేక్షకుల ముందుకు రానుంది. ఎన్నో అంచనాల మధ్య రాబోతున్న ఈ సినిమాకు విడుదల కాకుండానే ఇప్పటికే 1000 కోట్లకు పైగా మార్కెట్ జరగడం అందర్నీ ఆశ్చర్యపరిచింది.
ఇప్పటివరకు బాలీవుడ్ లో పాగా వేసి, ఆ తరువాత దక్షిణానికి వచ్చి ఒక్కొక్క మార్కెట్లు పెంచుకుంటూ వచ్చిన స్టార్ హీరోలు ఎందరో ఉన్నారు. అలాగే దక్షిణాది నుండి నెమ్మదిగా ఉత్తరాది వరకు ఎదిగిన స్టార్ హీరోలు ఉన్నారు. అయితే అల్లు అర్జున్ తెలుగు రాష్ట్రాల్లో మొదలై మలయాళ, తమిళ, కన్నడ రాష్ట్రాలను దాటుకుని హిందీ వైపు కూడా తనకంటూ ఒక ప్రత్యేక గుర్తింపు తెచ్చుకున్నారు. ఇప్పుడు పుష్ప 2తో దేశమంతటా ఒకేసారి తన నట విశ్వరూపం చూపించబోతున్నారు. ఇప్పటివరకు విజయ కోట్లకు పైగా విడుదల కాకుండానే మార్కెట్ చేసిన సినిమా లేకపోవడంతో ఈ సినిమా సుమారు 1500 నుండి 2000 కోట్ల వరకు కలెక్ట్ చేసే అవకాశాలు కనిపిస్తున్నాయని కొంతమంది అంటున్నారు.
పుష్ప 2 సినిమాకు సంబంధించిన ఈవెంట్లు దేశంలోని నలుమూలల జరగనున్నాయి అని సమాచారం. హుబ్లీ, బెంగళూరు, కొచ్చి, చెన్నై, పాట్నా, ముంబై, ఢిల్లీ వంటి కొన్ని ముఖ్య నగరాలలో ఈ సినిమాకు సంబంధించి ఈవెంట్లో జరగనున్నాయి అని ఇప్పటికే సినీ వర్గాలలో వినిపిస్తున్నాయి. అయితే ఈ నెంబర్లను చూసి ఎందరో స్టార్ హీరోల సైతం ఆశ్చర్యపోతున్నారు.
ఈ చిత్రాన్ని తెలుగులో మైత్రి మూవీస్ నిర్మిస్తూ విడుదల చేస్తుండగా ఇతర రాష్ట్రాలలో పేరుగాంచిన డిస్ట్రిబ్యూషన్ సంస్థలు వారి వారి రాష్ట్రాలలో విడుదల చేయడానికి ఇప్పటికే సిద్ధమైపోయారు. ఇక ఐకాన్ స్టార్ అల్లు అర్జున్ పుష్ప 2 ఎలా ఉండబోతుందనేది తెలియాలంటే డిసెంబర్ 5 వరకు వేచి చూడాల్సిందే.
