విశ్వవిఖ్యాత, నట సార్వభౌమ నందమూరి తారక రామారావు గారి నాలుగవ తరం నటుడుగా ఆయన ముని మనువడు, నందమూరి హరికృష్ణ గారి జేష్ట పుత్రుడు నందమూరి జానకిరామ్ గారి అబ్బాయి నందమూరి తారక రామారావు త్వరలోనే నటన రంగంలోకి అడుగుపెట్టబోతున్నాడు. ఈ క్రమంలో ఇతడిని పరిచయం చేస్తూ స్వర్గీయ నందమూరి తారక రామారావు గారి అభిమాని అయిన వైవీఎస్ చౌదరి తన తొలి చిత్రం దర్శకత్వం చేయబోతున్నారు. ఇప్పటికే ఈ చిత్రానికి కావలసిన స్క్రిప్ట్, డైలాగ్స్, ఇతర నటీనటులు మొదలైనవి అన్ని ఆయన సమకూర్చుకున్నట్లు గత కొన్ని రోజుల క్రితమే ఓ ప్రెస్ మీట్ ద్వారా తెలియజేయడం జరిగింది. కాగా ఈరోజు నందమూరి తారక రామారావును పరిచయం చేశారు. ఈ సందర్భంగా నందమూరి తారక రామారావు బెస్ట్ విషెస్ చెబుతూ తన కుటుంబ సభ్యులు జూనియర్ ఎన్టీఆర్, కళ్యాణ్ రామ్ తదితరులు తమ సోషల్ మీడియా ద్వారా తమ ఆనందం వ్యక్తపరిచారు. తమ కుటుంబీకుడైనటువంటి నందమూరి తారక రామారావు నటనరంగంలోకి రావడం తమకు ఎంత సంతోషం కలిగిస్తుందని, అలాగే ఈ నటన రంగంలో ఎంతో ఎత్తుకు ఎదగాలని కోరుకుంటూ వారు తమ సోషల్ మీడియా ద్వారా తెలిపారు.
అదేవిధంగా తారక రామారావుకు ఇండస్ట్రీ నుండి ఎంతోమంది సపోర్ట్ చేస్తూ తెలుగు చలనచిత్ర పరిశ్రమకు స్వాగతం పలుకుతున్నారు. అలాగే ఫిలిం చాంబర్, ప్రొడ్యూసర్ కౌన్సిల్, వీఆర్వోలు, సినీ జర్నలిస్టులు తదితరులు రామారావుకు తమ బెస్ట్ విషెస్ తెలిపారు.
