బంజారాహిల్స్‌ రోడ్‌ నంబర్‌ 11 లో నూతనంగా ఏర్పాటు చేసిన డెర్మ్ ఆరా స్కిన్ అండ్ హేర్‌ క్లినిక్‌ ను ప్రముఖ టాలీవుడ్‌ సినీ హీరో నిఖిల్‌ సిద్ధార్థ్‌ ప్రారంభించారు.. ఈ సందర్భంగా నిఖిల్‌ మాట్లాడుతూ ముఖ్యం గా గ్లామర్‌ రంగం లో ఉండే వాళ్ళు ప్రతీ సినిమాకు విభిన్నంగా, అందంగా కనిపించేందుకు ఎన్నో ప్రయత్నాలు చేస్తుంటారని ఆ సమయం లో మాకు అనుభవజ్ఞులైన డాక్టర్లు ఎంతో సహకరిస్తుంటారని అన్నారు. ప్రస్తుతం సినీ, టీవీ ప్రముఖుల కంటే సోషల్‌ మీడియాలో లక్షలాదిమంది ఫేమస్‌ అవుతున్నారని వారు కూడా ఇప్పుడు స్కిన్, హెయిర్‌ కాపాడుకోవడానికి, మెరుగులు దిద్దుకోవడానికి పరుగులు తీస్తున్నారని, అలాంటి వారికి ఇటువంటి అత్యాధునిక సాంకేతిక పరిజ్ఞానం వినియోగిస్తున్న డెర్మ్ ఆరా స్కిన్ అండ్ హెర్ లాంటి డెర్మటాలజీ క్లినిక్‌ లు ఉపయోగపడతాయని అన్నారు. వైద్యురాలు సుమ దివ్య మాట్లాడుతూ నగరంలోని తాము అత్యాధునిక సాంకేతిక పరిజ్ఞానంతో పాటు యూఎస్‌ఎఫ్‌డీ అప్రూవ్డ్‌ సాంకేతిక యంత్రపరికరాలు వాడుతున్నామని, అంతర్జాతీయ స్థాయిలో శిక్షణ పొందిన వైద్యులతో, సిబ్బందితో తాము సేవలు అందించనున్నట్లు తెలిపారు. ఈ కార్యక్రమంలో సామాజిక వేత్త పింకీరెడ్డితో పాటు పలువురు వైద్యులు, ప్రముఖులు పాల్గొన్నారు.
