Kollywood: కోలీవుడ్ స్టార్ ధనుష్- మాళ‌విక మోహన్ జంట‌గా ఓ సినిమా తెర‌కెక్కుతుంది. ఈ చిత్రాన్ని డైరెక్ట‌ర్ కార్తీక్ న‌రేన్ ద‌ర్శ‌క‌త్వంలో తెర‌కెక్కిస్తుండ‌గా.. ఇటీవ‌లే ఈ చిత్ర షూటింగ్ కోసం హైద‌రాబాద్ కు వ‌చ్చారు చిత్ర‌బృందం. ఈ షూటింగ్‌లో ధనుష్, మాళ‌విక మోహన్ పాల్గొన‌గా.. ఈ నేప‌థ్యంలోనే ధ‌నుష్‌తో క‌లిసి సినిమా సెట్లో దిగిన ఫోటోను ట్విట్ట‌ర్ వేదిక‌గా పోస్ట్ చేసింది హీరోయిన్ మాళ‌విక మోహన్.
అలాగే Kollywood ధనుష్ గారితో క‌లిసి న‌టించ‌డం ఎంతో ఆనందంగా ఉంద‌ని.. మ‌నిద్ద‌రం మ్యాగీ ప్రేమికులం అంటూ ఆమె రాసుకొచ్చింది. ప్ర‌స్తుతం దీనికి సంబంధించిన ఫోటో సోష‌ల్ మీడియాలో వైరల్ అవుతుండ‌గా.. అయితే ఓ నెటిజ‌న్‌ ఐల‌వ్‌యూ మ్యాగీ అంటూ కామెంట్ చేశారు. దీంతో ఈ కామెంట్‌కు స్పందించింది మాళ‌విక.. మాగీని ప్రేమించేవాళ్లంద‌ర్నీ నేను ఇష్ట‌ప‌డ‌తాను అంటూ త‌న‌దైన శైలిలో స‌ర‌దాగా కామెంట్ చేసింది.
