పవర్‌స్టార్ పవన్ కల్యాణ్ వరుస సినిమాలతో బిజీబిజీగా ఉన్నాడు. ఇప్పటికే ‘వకీల్ సాబ్’ సినిమా షూటింగ్ పూర్తవ్వగా.. ప్రస్తుతం క్రిష్ జాగర్లమూడి డైరెక్షన్‌లో రానున్న సినిమాతో పాటు అయ్యప్పనుమ్ కోషియమ్ తెలుగు రీమేక్‌లో పవన్ నటిస్తున్నాడు. ప్రస్తుతం ఈ రెండు సినిమా షూటింగ్‌లు జరుగుతున్నాయి. అయితే క్రిష్ కాంబినేషన్‌లో తెరకెక్కుతున్న మూవీ పాన్ ఇండియా సినిమాగా తెరకెక్కుతుండగా… ఇందులో హీరోయిన్లుగా నిధి అగర్వాల్, జాక్వెలిన్ ఫెర్నాండెట్‌ను ఎంపిక చేసినట్లు వార్తలొచ్చాయి.
అయితే తాజాగా ఈ విషయంపై నిధి అగర్వాల్ క్లారిటీ ఇచ్చింది. పవన్ సినిమాలో తాను నటించబోతున్నానని, తన కల నెరవేరబోతున్నట్లుగా అనిపిస్తుంది అంటూ వ్యాఖ్యానించింది. పవన్ అంటే తనకు ఎంతో అభిమానం అని, అందుకే ఆయనతో వర్క్ చేయాలని చాలాకాలంగా వెయిట్ చేస్తున్నానంది.
