లాక్‌డౌన్ తర్వాత తిరిగి షూటింగ్‌లు ప్రారంభం కావడం, థియేటర్లు ఓపెన్ కావడంతో టాలీవుడ్‌‌కు కొత్త కళ వచ్చేసింది. లాక్‌డౌన్ తర్వాత వరుస పెట్టి సినిమాలు విడుదల అవుతూనే ఉన్నాయి. గత ఏడాది విడుదల కావాల్సిన సినిమాలన్నీ లాక్‌డౌన్ వల్ల ఆగిపోవడంతో… ఆ సినిమాలన్నీ ఈ ఏడాది విడుదల కానున్నాయి. భారీగా సినిమాలు వస్తుండటంతో.. మేకర్స్ ఇప్పటినుంచే రిలీజ్ డేట్‌లను ప్రకటిస్తున్నారు.
ఈ క్రమంలో ఫిబ్రవరి 5న ఏకంగా 10 సినిమాలు బాక్సాఫీస్ ముందుకు రానున్నాయి. జాంబీ రెడ్డి’ ‘బొమ్మ అదిరింది దిమ్మ తిరిగింది’ ‘చేతిలో చెయ్యేసి చెప్పు బావ’ ‘జి-జాంబీ’ ‘జై మరియమ్మ’ ‘నాతో ఆట’ ‘ప్రణవం’ ‘రాధాకృష్ణ’ ‘జర్నలిస్ట్’ ‘విట్టల్ వాడి’ సినిమాలు ఫిబ్రవరి 5న విడుదల కానున్నాయి. ఇందులో తేజ సజ్జా నటించిన జాంబీ రెడ్డి సినిమాపై అంచనాలు ఉన్నాయి. ‘అ!’ సినిమాతో జాతీయ స్థాయిలో గుర్తింపు తెచ్చుకున్న ప్రశాంత్ వర్మ ఈ చిత్రాన్ని తెరకెక్కించడంపై.. దీనిపై సినీ అభిమానుల్లో ఆసక్తి నెలకొంది.
