RRR RELEASE DATE:బాహుబలి తర్వాత దర్శకధీరుడు రాజమౌళి తెరకెక్కిస్తున్న RRR సినిమాకి సంబంధించిన అప్డేట్స్ కోసం ప్రేక్షకులు ఎదురుచూస్తున్నారు. టాలీవుడ్‌లో ఇద్దరు స్టార్ హీరోలు అయిన ఎన్టీఆర్-చరణ్‌లు కలిసి నటిస్తుండటంతో.. ఈ సినిమాపై ప్రేక్షకుల్లో భారీ అంచనాలు ఉన్నాయి. ఇందులో ఎన్టీఆర్ కొమురం భీం పాత్రలో నటిస్తుండగా.. రాంచరణ్ సీతారామరాజు పాత్రలో నటిస్తున్నాడు. ఇప్పటికే విడుదలైన ఎన్టీఆర్, రాంచరణ్‌ల పాత్రలకు సంబంధించిన టీజర్లు యూట్యూబ్‌లో రికార్డు వ్యూస్ సాధించాయి.
దీంతో ఈ సినిమా ఎప్పుడు విడుదల అవుతుందోనని ప్రేక్షకులు ఎదురుచూస్తున్నారు. ఈ క్రమంలో RRR రిలీజ్ డేట్‌ను సినిమా యూనిట్ అధికారికంగా ప్రకటించింది. ఈ ఏడాది అక్టోబర్ 13న ఈ సినిమాను విడుదల చేయనున్నట్లు ట్విట్టర్‌లో ప్రకటించింది. ఈ సందర్భంగా విడుదల పోస్టర్‌ను విడుదల చేసింది. ఇందులో ఎన్టీఆఱ్ బైక్‌పై దూసుకెళ్తుండగా.. రాంచరణ్ గుర్రంపై ఉన్నాడు. ఈ పోస్టర్ చాలా ఆసక్తికరంగా ఉంది.
