స్ట్రైలిష్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్‌లో పుష్ప సినిమా తెరకెక్కుతున్న విషయం తెలిసిందే. ఇందులో అందాల బ్యూటీ రష్మిక మందన్నా హీరోయిన్‌గా నటిస్తోంది. ఇందులో ఒక గిరిజన యువతి పాత్రలో రష్మిక కనిపించనుంది. ఈ సినిమాకి దేవిశ్రీప్రసాద్ మ్యూజిక్ డైరెక్టర్‌గా వ్యవహరించనున్నాడు. గతంలో బన్నీ-సుకుమార్-దేవిశ్రీప్రసాద్ కాంబినేషన్‌లో వచ్చిన ఆర్య, ఆర్య 2 సినిమాలు సూపర్ హిట్ కావడంతో.. వారి కాంబినేషన్‌లో వస్తున్న ఈ మూడో సినిమాపై భారీ అంచనాలు నెలకొన్నాయి.
ఈ సినిమాకు సంబంధించి తాజాగా ఒక వార్త హాట్‌టాపిక్‌గా మారింది. ఇందులో కోలీవుడ్ స్టార్ హీరో శింబు కీలక పాత్రలో నటించనున్నాడనే వార్త ఫిల్మ్ సర్కిల్స్‌లో వినిపిస్తోంది. ఇంతకముందు ఆ పాత్ర కోసం హీరో విక్రమ్, బాబీ సింహా, సముద్రఖని, మాధవన్, ఉపేంద్ర, సుదీప్, ఆర్య వంటి హీరోల పేర్లు తెరపైకి వచ్చాయి.
