ఇస్మార్ట్ శంకర్ సినిమాతో టాలీవుడ్‌లో మంచి పేరు తెచ్చుకుంది హీరోయిన్ నిధి అగర్వాల్. ప్రస్తుతం తమిళ ఇండస్ట్రీలోకి కూడా ఆమె అడుగుపెట్టబోతోంది. కోలీవుడ్ హీరో శింబు హీరోగా వస్తున్న ఈశ్వరన్ సినిమాలో నిధి అగర్వాల్ హీరోయిన్‌గా నటించింది. ఇప్పటికే షూటింగ్ పూర్తిచేసుకున్న ఈ సినిమాను సంక్రాంతికి రిలీజ్ చేయనున్నారు. తాజాగా చెన్నైలో ఈ సినిమా ఆడియో ఫంక్షన్ జరిగింది.
ఈ ఫంక్షన్‌లో నిధి అగర్వాల్‌కి చేదు అనుభవం ఎదురైంది. స్టేజ్‌పై నిధి మాట్లాడుతున్న సమయంలో.. ఆ సినిమా డైరెక్టర్ సుసీస్థారన్ వచ్చాడు. హీరో శింబుకు ఐ లవ్ యూ చెప్పాలన్నాడు. సింబు మామా.. ఐలవ్యూ అని చెప్పాలని నిధికి డైరెక్టర్ చెప్పాడు. దీంతో ఆశ్చర్యానికి గురైన నిధి డైరెక్టర్ మాటలకు షాక్ అయింది. డైరెక్టర్ చెప్పిన పని చేయకుండా వేరే టాపిక్ మాట్లాడుతోంది. డైరెక్టర్ మాత్రం అదే పనిగా ఆ మాటలు చెప్పాలని నిధికి చెబుతున్నాడు.
లైవ్‌లో అందరూ చూస్తుండగా ఈ వ్యవహారం చోటుచేసుకోవడంతో అందరూ ఆశ్చర్యపోయారు. దీనిపై సోషల్ మీడియాలో అనేక విమర్శలు వస్తున్నాయి. ఈ క్రమంలో దీనిపై డైరెక్టర్ సుసీస్థారన్ స్పందించాడు. సింబు మామా.. ఐ లవ్ యూ అనే డైలాగ్ సినిమాలో ఉందని, అందుకని ప్రమోషన్స్ కోసం స్టేజీపై చెప్పాలని కోరానన్నాడు.
