యంగ్ టైగర్ జూనియర్ ఎన్టీఆర్, మెగా పవర్ స్టార్ రాంచరణ్ కాంబినేషన్‌లో దర్శకధీరుడు రాజమౌళి తెరకెక్కిస్తున్న RRR సినిమాపై అభిమానుల్లో భారీగా అంచనాలు ఉన్నాయి. లాక్‌డౌన్ వల్ల ఆగిపోయిన ఈ సినిమా షూటింగ్ ఇటీవలే తిరిగి ప్రారంభమైంది. చలిలో షూటింగ్ చేస్తున్న ఫొటోలను ఇటీవల ఆర్‌ఆర్‌ఆర్ యూనిట్ తమ అధికారిక యూట్యూబ్ ఛానెల్‌లో విడుదల చేసిన విషయం తెలిసిందే. అలాగే ఇప్పటికే విడుదలైన రాంచరణ్, ఎన్టీఆర్ పాత్రలకు సంబంధించిన టీజర్లు ప్రేక్షకులకు అలరించాయి.
ఈ సినిమాలో అల్లూరి సీతారామరాజు పాత్రలో రాంచరణ్ కనిపించనుండగా.. కొమురం భీం పాత్రను తారక్ పోషిస్తున్నాడు. అయితే ఈ సినిమా కథ గురించి సోషల్ మీడియాలో రకరకాల వార్తలు వినిపిస్తున్నాయి. బ్రిటీష్ వాళ్ల తరపున పోలీస్ అధికారిగా విధ్యాధికుడు అయిన సీతారామరాజు పని చేస్తుంటారట. ఒక సందర్భంలో మాస్ లీడర్ అయిన గిరిజన నాయకుడు భీమ్‌ని అరెస్ట్ చేస్తారట. ఆ తర్వాత బ్రిటీషర్లకు పోరాడేందుకు వీరిద్దరు కలుస్తారట.
ఇప్పటికే లీకైన ఫొటోలు, టీజర్లు ఆథారంగా నెటిజన్లు ఈ కథను ఊహించి రాశారని తెలుస్తోంది. మరి ఈ కథ నిజమేనా?.. లేక అవాస్తవమా? అనేది తెలియాలంటే సినిమా విడుదల అయ్యే వరకు వేచి చూడాల్సిందే.
