సల్మాన్ కెరీర్ ని ఒక్కసారిగా తిరగరాసిన సినిమాల్లో హమ్ ఆప్కే హై కౌన్ ఒకటి. కేవలం సల్మాన్ ఖాన్ కెరీర్ కి అనే కాకుండా బాలీవుడ్ స్థాయిని పెంచిన సినిమా అది. మాధురి దీక్షిత్ హీరోయిన్ గా నటించిన ఆ సినిమా ఇప్పటికి టీవీలలో వస్తే టాప్ రేటింగ్స్ అందుకుంటుంది. ఇక ఈ సినిమా విడుదలై నిన్నటితో సరిగ్గా 26ఏళ్లవుతోంది.
1994లో ఆగస్టు 5న విడుదలైన హమ్ ఆప్కే హై కౌన్ సినిమా సింపుల్ రొమాంటిక్ డ్రామాగా రూపొందింది. అయితే అప్పట్లో ఈ సినిమా సృష్టించిన రికార్డులు అన్ని ఇన్ని కావు. ఇండియన్ బాక్సాఫీస్ లో అప్పటి వరకు ఏ సినిమా అందుకొని కలెక్షన్స్ అందుకుంది. మొట్టమొదటి సారి ఇండియాలో 100కోట్లకు పైగా వసూళ్లను అందుకున్న సినిమా ఇదే. 5కోట్ల బడ్జెట్ లోపే ఈ సినిమాను నిర్మించారు. అంటే లాభాలు ఏ స్థాయిలో వచ్చాయో స్పెషల్ గా చెప్పనవసరం లేదు. విడుదలైన మొదటి వారం లక్షల్లో కలెక్షన్స్ రాగా ఆ తరువాత కంటిన్యూగా 5వారాల పాటు రోజు కోటికి పైగా వసూళ్ళని అందుకుంది. తెలుగులో కూడా ఈ సినిమాను ప్రేమలయం పేరుతో డబ్ చేసి రిలీజ్ చేశారు.
