మలయాళ సినిమా తన సహజమైన కథనం, సాంకేతిక నైపుణ్యంతో తెలుగు ప్రేక్షకులను ఆకట్టుకుంటోంది. అగ్రశ్రేణి మలయాళ చిత్రనిర్మాతలు ఇప్పుడు ప్రముఖ తెలుగు స్టార్లతో కలిసి పనిచేస్తున్నారు. ‘మిన్నల్ మురళి’ ఫేమ్ బాసిల్ జోసెఫ్, అల్లు అర్జున్తో ఒక సినిమాకు దర్శకత్వం వహించడానికి సిద్ధమవుతుండగా, ‘కిష్కింధ కాండం’, ‘ఏకో’ చిత్రాలతో పేరుగాంచిన దిన్జీత్ అయ్యతన్, ప్రభాస్తో ఒక ప్రాజెక్ట్కు ప్లాన్ చేస్తున్నట్లు సమాచారం. ఈ క్రమంలోనే తెలుగులో యూనిక్ సైకలాజికల్ థ్రిల్లర్ వస్తోంది. గతంలో మలయాళ-తమిళ ద్విభాషా థ్రిల్లర్ మమ్ముట్టి ‘స్ట్రీట్ లైట్స్’కి దర్శకత్వం వహించిన సినిమాటోగ్రాఫర్ షామ్దత్, ఇప్పుడు ‘చౌర్య పాఠం’లో ఆకట్టుకున్న ఇంద్ర రామ్ హీరోగా నటిస్తున్న ఈ కొత్త చిత్రంతో తెలుగులో దర్శకుడిగా అరంగేట్రం చేస్తున్నారు. వి. చూడామణి ఈ చిత్రాన్ని వి డ్రీమ్ ఫిల్మ్స్ బ్యానర్పై ప్రొడక్షన్ నెం 2 గా నిర్మిస్తున్నారు.
ఈరోజు, మక్కల్ సెల్వన్ విజయ్ సేతుపతి ఈ సినిమా టైటిల్, ఫస్ట్ లుక్ను ఆవిష్కరించారు. ‘డోంట్ స్లీప్’ అనే ఆసక్తికరమైన టైటిల్తో వస్తున్న ఈ సైకలాజికల్ థ్రిల్లర్, “The longer you sleep, the closer he gets” అనే ట్యాగ్లైన్ క్యురియాసిటీని పెంచింది. ఫస్ట్-లుక్ పోస్టర్ లో రవీంద్ర విజయ్ పాత్ర, తుపాకీతో మంచు పర్వతాల మీదుగా ఇంద్ర రామ్ను వెంబడిస్తుండగా, ముందు భాగంలో హీరో కళ్ళు మూసుకుని, నుదుటిపై కట్టుతో కనిపించడం ఆసక్తికరంగా ఉంది.
ఈ చిత్రానికి ట్యాలెంటెడ్ టెక్నికల్ టీం పని చేస్తోంది. ‘పుష్ప: ది రైజ్’ చిత్రానికి పనిచేసిన మోనికా-రామకృష్ణ ప్రొడక్షన్ డిజైన్ను నిర్వహిస్తున్నారు. సంగీతాన్ని గోకుల్ హర్షన్ అందించారు, ఈయన బీవీఎస్ఎన్ ప్రసాద్ నిర్మాణంలో ఒక ప్రాజెక్ట్కు కూడా సంగీతం అందిస్తున్నారు. స్టేట్ అవార్డు గ్రహీత అయిన మనోజ్ ఎడిటింగ్ చేశారు. గతంలో RDX , దుల్కర్ సల్మాన్ నటించిన ఐయామ్ గేమ్ చిత్రాలకు పనిచేసిన సజీర్, లూనా కథను అందించారు.
తెలుగు కథనానికి బలమైన మలయాళ టెక్నికల్ కోర్ సపోర్ట్గా ఉండటం ఈ ప్రాజెక్ట్ను ప్రత్యేకంగా నిలబెట్టింది. ఇది రెండు పరిశ్రమల మధ్య పెరుగుతున్న స్నేహాన్ని ప్రజెంట్ చేస్తోంది. మలయాళ సినిమాల డెప్త్, డీటైల్ను, తెలుగు సినిమాల స్కేల్, రీచ్తో కలిపిన వినూత్న ప్రయత్నం.
ఎమోషనల్ గా టెక్నికల్గా ఈ చిత్రం గొప్ప సైకాలజికల్ థ్రిల్లర్ అనుభూతిని ప్రేక్షకులకు అందించబోతుంది.
ఈ చిత్రం త్వరలోనే థియేటర్లలో విడుదల కానుందని మేకర్స్ అధికారికంగా ప్రకటించారు.
తారాగణం: ఇంద్ర రామ్, రవీంద్ర విజయ్, తబా రీమా, జ్యోతి బెనర్జీ, సునీల్ థాపా, ఆడుకలం నరేన్, కల్ప లత, అనీష్ కురువిల్లా, వెన్నెల కిషోర్, నాగి జబర్దస్త్, డాక్టర్ భద్రమ్, రఘుబాబు, తదితరులు.
సాంకేతిక సిబ్బంది:
డైరెక్టర్, DOP: షామ్దత్ ISC
కథ, స్క్రీన్ప్లే, సంభాషణలు: సజీర్ బాబా & లూనా జబిన్
నిర్మాత: వి చూడామణి
బ్యానర్: వి డ్రీమ్ ఫిల్మ్స్
సంగీతం: గోకుల్ హర్షన్
ప్రొడక్షన్ డిజైన్: మోనికా రామకృష్ణ
PRO: వంశీ-శేఖర్
