త్రివిక్రమ్ శ్రీనివాస్, మహేష్ బాబు కాంబినేషన్ లో వచ్చిన మొదటి చిత్రం అతడు. మంచి విజయాన్ని అందుకున్న ఈ సినిమాను ఎన్నిసార్లు చూసినా బోర్ కొట్టదు. ఇక 2005లో వచ్చిన అతడు సినిమా విడుదలై 15ఏళ్లవుతోంది. సోషల్ మీడియాలో మహేష్ అభిమానులు సినిమాకు సంబంధించిన పోస్టర్స్ తో ట్రెండ్ అయ్యేలా చేస్తున్నారు.
ఇక ఈ సినిమాకు సంబంధించిన కొన్ని ఇంట్రెస్టింగ్ విషయాలపై ఒక లుక్కేస్తే.. దర్శకుడు త్రివిక్రమ్ అతడు సినిమాను మొదట పవన్ కళ్యాణ్ తో చేయాలని అనుకున్నాడు. కానీ ఎందుకో ఆయన పెద్దగా ఇంట్రెస్ట్ చూపలేదు. అనంతరం మహేష్ బాబుకు కథను వినిపించగా వెంటనే ఒప్పేసుకున్నాడు. కానీ మూడేళ్ళ వరకు వెయిట్ చేయాల్సి వచ్చింది. ఇక మెయిన్ గా సినిమాలో నాజర్ చేసిన పాత్రకు మొదట శోభన్ బాబు గారిని అనుకున్నారు. కానీ అప్పటికే ఆయన సినిమాలకు ఎండ్ కార్డ్ పెట్టి రియల్ ఎస్టేట్ వ్యాపారాలతో బిజీ అవ్వడం వలన రిజెక్ట్ చేయాల్సి వచ్చింది. ఇక అతడు సినిమా ఇప్పటికి టీవీల్లో వచ్చినా మంచి రేటింగ్ ని అందుకుంటోంది.
